Իոանինայի կղզին

Կղզիակ
Իոանինայի կղզին
Νησί των Ιωαννίνων
Իոանինա կղզին,քաղաքին լիճին մէջ
Երկիր	Յունաստան
Շրջան	[[Իփիրոս]]
Բնակչութիւն	187 մարդ (2021), 354 մարդ (2001), 355 մարդ (1991), 219 մարդ (2011)
Կը գտնուի ափին	Իոանինայի (Փամվոթիտա) լիճ

Իոանինայի կղզին (յուն․՝Νησί των Ιωαννίνων), կղզի եւ բնակավայր է, որ կը գտնուի Իոանինա (Փամվոթիտա) լիճին մէջ, Իոանինա, Իփիրոս, Յունաստան։ Բնակչութեան թիւն է 219 ըստ 2011 թուականի մարդահամարին։

Տեղեկութիւններ

Իոանինա կղզին, նաեւ բնակավայր է, որ կը գտնուի Իոանինա (Փամվոթիտա) լիճին մէջ։ Իր բնակչութիւնը, ըստ 2011 թուականի մարդահամարին, ունի 219 բնակիչ, մինչդեռ  Յունաստանի լիճերուն մէջ գտնուող երկու բնակուած կղզիներէն մէկն է։

Կղզին կը գտնուի լիճի հիւսիս-արեւմտեան մասին՝ Ամֆիթէա բնակավայրին  մօտ։ Ունի 200 ակր տարածք եւ ծովի մակարդակէն 520 մեթր բարձրութիւն կամ լիճի մակերեսէն 59 մեթր բարձրութիւն։ Իր առաւելագոյն երկարութիւնը 800 մեթր է, իսկ լայնութիւնը՝ 500։ Կղզիին արեւմտեան կողմը ճահճոտ է, իսկ մնացած մասը ժայռոտ եւ անտառապատ:

Բնակավայրը կը գտնուի կղզիին հիւսիսային ծայրը եւ բաղկացած է մօտ 110 տուներէ։ Պաշտօնապէս  յայտարարուած աւանդական պահպանուած բնակավայր է, քանի ան կառուցուած է ակնածանքով հետեւելով աւանդական մայրցամաքային ճարտարապետութեան` բնորոշ շիֆեր տանիքներով:

1926 թուականէն մինչեւ այսօր առանձին համայնք է: Իր բնակչութիւնը, ըստ վերջին պաշտօնական մարդահամարին այսինքն՝ 2011 թուականի,  219 բնակիչ է։

Կղզիին մասին պատմական յիշատակումները կը սկսին ԺԳ․ դարէն, երբ մը հիմնադրուին առաջին վանքերը: Կղզիի հիմնադրուած առաջին վանքը Սուրբ Նիքոլաոս Բարերարներու վանքն է, որ հիմնադրուած է ԺԳ դարին։  Վանքին տէրը Միքայէլ Փիլանթրոփինոսն է, որ եղած է նաեւ Իոանինայի առաջնորդը։ Բնակավայրը ստեղծուած է ԺԷ․ դարուն եւ ըստ բնակիչներուն, մինչեւ այսօր չհաստատուած աւանդոյթի մը, առաջին բնակիչները եկած են Մանիէն (Մանի, Պելոպոնեսի հարաւային մաս)։ Ալի Փաշայի օրօք կղզին անկում կ՛ապրի սահմանուած մեծ հարկերուն պատճառով։ Այս ժամանակաշրջանին վանքերը գրեթէ լքուած էին։

1822 թուականի Յունուարին Ալի, Սուրբ Փանտելէիմոն վանքին մէջ կ՛ ապրի մինչեւ մահը. կը սպաննուի 17 Յունուարին (կամ 25-ին)։

Այսօր կղզին կը յենուի զբոսաշրջութեան զարգացման վրայ։ Կապուած է Իոանինայի հետ յաճախակի լաստանաւերով, որոնք կը փոխադրեն բազմաթիւ այցելուներ: Կղզիի հիմնական տեսարժան վայրերն են՝ վերանորոգուած վանքերը եւ Ալի Փաշայի թանգարանը, որ տեղակայուած է Սուրբ Փանտելէիմոն վանքին մէջ։

Պատկերասրահ

• 
• 
• 
• 
• 
• 

^{[1] [2] [3] [4]}

Ծանօթագրութիւններ

1. Իոանինա կղզիին պաշտոնական էջ(յունարէն)
2. Իոանինա կղզի(յունարէն)
3. Իոանինա կղզիակ(յունարէն)
4. Իոանինա կղզիակ(յունարէն)