Սիմոն Աբգարեան

Սիմոն Աբգարեան
Ծնած է	5 Մարտ 1962(1962-03-05)[1] (62 տարեկան)
Ծննդավայր	Կոնէս, Վալ տ՛Ուազ, Ֆրանսա
Քաղաքացիութիւն	Ֆրանսա
Մայրենի լեզու	հայերէն
Մասնագիտութիւն	թատրոնի դերասան, շարժապատկերի դերասան, հեռատեսիլի դերասան, դերասան, բեմադրիչ
Ամուսին	Catherine Schaub? եւ Կատրին Շաուբ-Աբգարյան?

Սիմոն Աբգարեան (5 Մարտ 1962(1962-03-05)^[1], Կոնէս, Վալ տ՛Ուազ, Ֆրանսա), Ֆրանսահայ յայտնի դերասան:

Կենսագրութիւն

Դերասանական Ասպարէզ

1971-1977 տարիներուն, երիտասարդ Աբգարեան իր հօր ու մօր հետ ապրած է Լիբանան, ուր յաճախած է հայկական վարժարան, միաժամանակ սորվելով նաեւ ֆրանսերէն եւ անգլերէն լեզուները: 1977-ին Աբգարեան վերստին տեղափոխուած է Փարիզ: Քանի մը տարի ետք ան փոխադրուած է Նիւ Եորք, ուր պարի եւ դերասանութեան իր դասերը շարունակած է Նիւ Եորքի Անդրանիկ Թատերախումբին հետ: Ապա տեղափոխուած է Լոս Անճելըս, Քալիֆորնիա:

1983-1985 ան ուսանած է դերասանութիւն եւ մաս կազմած է ՀԲԸՄ-ի Արտաւազդ Թատերախումբին, Ժիրայր Փափազեանի ղեկավարութեամբ:

1984-ին ան մասնակցած է աշխատանքային հանդիպումներուն հռչակաւոր Թէաթր տիւ Սոլէյի, որ Օլիմփիքս Արթ Ֆեսթիվըլի ծիրին մէջ կ'այցելէր Լոս Անճելոս:

1985-ին Սիմոն Աբգարեան կը վերադառնայ Փարիզ, ուր ձեռք կը բերէ թատերական դերասանական յաջողակ ասպարէզ եւ ութ տարի կը համագործակցի Արիան Մնուշքինի՝ Թէաթր տիւ Սոլէյի հռչակաւոր բեմադրիչին հետ:

2001-ին Աբգարեան կը տիրանայ ֆրանսական թատրոնի դերասանի ամէնէն բարձր մրցանակին՝ «Մոլիէր» մրցանակին, «Հրէշը լուսնի վրայ» թատերախաղին մէջ իր ստանձնած դերին համար^[2]::

1993-ին Աբգարեան եւ իր դերասանուհի-բեմադրիչ կինը՝ Քաթրին Շչոպ, Փարիզի մէջ հիմնեցին իրենց սեփական թատերախումբը՝ «T.E.R.A.» Թ.Ե.Ր.Ա. (Թէաթր Էսփաս Ռըշերշ Աքթէոր), ուր Աբգարեան դերեր ստանձնած եւ բեմադրած է դասական եւ ժամանակակից թատերախաղեր:

Աբգարեան արժանացաւ երեք «Մոլիէր»ներու 2020-ին:^[2]

Շարժապատկերի Ասպարեզ

Աբգարեան առաջին անգամ ժապաւէնի մէջ դեր ստանձնած է 1989-ին:

Շարժապատկերի իր ասպարէզի սկզբնական շրջանին Աբգարեան արդիւնաբեր համագործակցութիւն ունեցաւ Սետրիք Քլափիշչի հետ, ֆրանսական վեց ժապաւէններու մէջ, հռչակ ստանալով մրցանակակիր «Շաքէոն շերշ սոն շա» (1996) ժապաւէնով:

Ան արժանացաւ քննադատներու բարձր գնահատանքին Ատոմ Էկոյեանի մրցանակակիր «Արարատ» (2002) ժապաւէնին մէջ գեղանկարիչ Արշիլ Կորքիի կերպարը մարմնաւորելու համար:

Աբգարեան մրցանակներ շահած է «Թու թէյք է ուայֆ» (2004) ժապաւէնին մէջ Էլիահուի դերը կատարելու համար (բեմադրիչ՝ Ռոնիթ Էլքապէց): Ան մեծ ոստում արձանագրեց «Քազինօ Ռուայալ» (2006) ժապաւէնին մէջ Ալեքս Տիմիթրոսի երկրորդական դերով հանդէս գալով եւ Տանիէլ Քրէյկի կողքին քանի մը ուժեղ տեսարաններու մէջ խաղալով:

Հայ Դատ

Սիմոն Աբգարեան մեծապէս մասնակից է հայ ժողովուրդին առնչուող մարդասիրական դատերուն: Բազմաթիւ բարեսիրական եւ հայ դատի ձեռնարկներու ու հանդիսութիւններու ընթացքին, ան եղած է յաճախակի մասնակից, հիւրընկալ եւ հաղորդավար: 2006-ի Հոկտեմբերին ան նաեւ մաս կազմած է Ֆրանսայի նախագահ Ժաք Շիրաքի հետ Հայաստան այցելող պատուիրակութեան:

Տե՛ս նաեւ

• 1915 (ֆիլմ)

Ծանօթագրութիւններ

1. filmportal.de — 2005.
   <a href="https://wikidata.org/wiki/Track:Q15706812"></a>
2. Ֆրանսահայ Դերասան Սիմոն Աբգարեան՝ Մրցանակակիր

Աղբիւրներ

• Հակիրճ կենսագրութիւնը ֆրանսերէնով.