Engelbert Pigal
| Engelbert Pigal | |
|---|---|
_-_Engelbert_Pigal.jpg) | |
| Sexo | mascule |
| Nascentia | 1899 |
| Decesso | 1978 |
| Occupation | ingeniero[*], scriptor |
| Lingua | interlingua |
| Identificatores | |
| ISNI | 000000004185402X |
| VIAF | 63662278 |
| Commons | Engelbert Pigal |
Ingeniero Engelbert Pigal (1899 - 24 de april 1978): Ex-occidentalista, presto adhereva a interlingua e esseva representante del UMI pro Austria.
Ja in su juventute ille apprendeva ido. In 1921 ille esseva secretario del Comité preparative del prime congresso de ido in Vienna. Durante un congresso sequente - in 1926 in Cassel - ille faceva un presentation de Occidental, un systema plus naturalistic, que "succuteva" multes in le auditorio. Engelbert Pigal adhereva a isto. In 1927 ille con Karl Janotta comenciava laborar pro Occidental in Austria. Ille deveniva le redactor del organo de occidental, "Cosmoglotta", inter 1927 e 1930 e editor e co-autor de "Occidental, die Weltsprache", le obra principal de iste lingua auxiliar. In su scripto "Ab Occidental verso Interlingua" ille demonstrava, proque ille trovava interlingua superior.
De 1931 a 1938, Engelbert Pigal esseva director scientific del Instituto Hoerbiger in Vienna. In iste qualitate ille habeva le thema de examinar le theoria del cosmologia glacial de Hans Hoerbiger. Super cosmologia ille ha publicate duo monographias in interlingua, "Problematica del cosmologia moderne" e "Astro-Geologia". In le ultime obra, Engelbert Pigal essaya per "le methodo exacte del physica" e al base de su "theoria de interferentia planetari" solver le enigmas del origine del montanias, del transgressiones, del origine del oceanos e altere problemas fundamental del geologia.
Engelbert Pigal habeva un forte influentia a professor Eugen Wüster, Austria, e le persuadeva a usar interlingua in su labor con le standardisation del international terminologia scientific, un labor que duceva al fundation del Organisation de Standardisation International (ISO).
Engelbert Pigal esseva usque a su morte in le etate de 80 annos membro del consilio del Union Mundial pro Interlingua e le representante national de interlingua in Austria.
Rememoration in "Currero" nº 53/1978.
Ligamines externe
[modificar | modificar fonte]
| ||||||||||||||||||||||||||