Rendang

Rendang
Nama bukaiRandang (dalam Jaku Minangkabau)
CourseLauk
PenataiIndonesia[1][2]
MenuaSumatera Barat[3]
Bekaul baIndonesia,[4] Malaysia, Singapura, Brunei
Pengangat pemakaiAngat tauka suam
Utai dikenaDagin (chapi tauka kambin), santan, chabi, lia, galangal, kunyit, serai, garlic, bawang mirah
VariasyenRendang manuk, rendang itit, rendang ati,

Rendang (Jaku Minangkabau: randang; Jawi: رندڠ) iya nya lauk ti digaga ari dagin asil ari proses manduk ti bepengangat mit dalam timpuh ti panjai ngena mayuh macham rempah enggau santan. Proses manduk nya begunaka awak bejam-jam (selalu iya urung empat jam) nyentukka utai ke tinggal semina sekeping dagin burak chelum enggau dedak. Enti ba tikas pengangat bilik, rendang ulih tan beminggu-minggu. Rendang ti dipanduk dalam timpuh ti pandak agi lalu santan iya bedau kering dikumbai kalio, iya nya ngembuan chura burak mas terang.

Sejarah

[edit | edit bunsu]

Asal nama

[edit | edit bunsu]

Nama "rendang" tauka "randang" dalam jaku Minangkabau umum dikena nunjukka teknik manduk dalam timpuh ti lama ti ulih dikena ukai semina manduk dagin, tang mega sayur, nguring kacang nadai minyak nyentukka manggang kopi.[5] Pemantai pemakai Rendang dirikut dalam inskripsyen Taji abad ke-10 enggau gambar dagin ti disalut enggau rempah tipikal Minangkabau, Indonesia.

Sous chef Hotel Equatorial, Kuala Lumpur, Azhar Alias nyebut, jejak rendang disahka ulih dipansik ari Pulau Sumatera, Indonesia. "Iya sebagi ari pemakai Padang, ti dibai etnik Minangkabau ngagai Negeri Sembilan," ku iya, baka diayanka The Star. Bansa Minang udah mindah ngagai tebing tasik barat menua ke diatu nyadi sebagi ari menua Malaysia ba pun abad ke-15.

Ashar Daud, Executive Sous Chef ba The 39 Restaurant di PNB Darby Park, KL, madahka utai baka "Mayuh pemakai Malaysia bepun ari Indonesia tauka dipengaruhka tradisyen kulinari republik nya." Kededua tukang masak nya setuju, ari Negeri Sembilan rendang ngerembai ngagai sekeda pelilih menua perintah di semanjai Semenanjung Malaysia--ke alai ba tiap pelilih menua resipi nya diubah nitihka pengerindu menua tu, ke udah nya lekat nyadi pemakai asal Malaysia, lalu nyadi sebagi ari budaya nengeri mega. "Rendang nyadi sebagi ari tiap pengawa maya pengerami," ku Ashar Daud.[1]

Rendang mega bisi disebut dalam litaricha Melayu klasik baka Hikayat Amir Hamzah ti mandangka pemisi rendang dalam pemakai Melayu ba abad ke-16 suba.

AHmz 10:4 ..... Buzurjumhur Hakim pun pergi pula ke kedai orang merendang daging kambing, lalu ia berkata: "Beri apalah daging kambing

Buzurjumhur Hakim mega mansang ngagai kedai orang nyual dagin kambin, udah nya iya bejaku: “Beri aku dagin kambin
AHmz 10:7 ... kambing rendang ini barang segumpal." Sahut orang merendang itu, "Berilah harganya dahulu." Maka kata Khoja Buzurjumhur, [6][7]
...kambin rendang tu sigi gumpal." Ku orang rendang nya, "Beri aku dulu rega iya." Pia ku Khoja Buzurjumhur

Pengerembai

[edit | edit bunsu]

Asal penatai rendang tu dipansik ngagai menua Sumatera kelebih agi ngagai menua Minangkabau. Ungkup bansa Minang, rendang udah lama bisi lalu udah nyadi pemakai asal ti dinah ba mayuh macham pengawa asal enggau pemakai ninting hari. Nyadi pemakai asal, rendang dipelabaka ada kenyau ari raban bansa Minang ngatur pengawa asal keterubah sida. Udah nya seni nyumai ngerembai ngagai kandang menua pelilih menua bukai enggau budaya Melayu; berengkah ari Mandailing, Riau, Jambi nyentukka sepenyauh Negeri Sembilan ti tebal agi diuan orang ari Minangkabau. Nya kebuah rendang tu mayuh dikelala baik nya ba dua bengkah selat Melaka, iya nya Sumatera enggau Semenanjung Malaya.

Rabah sejarah Universitas Andalas, Prof. Dr. Gusti Asnan melaba rendang udah nyadi pemakai ti ngerembai kenyau ari bansa Minang berengkah mindah sereta belayar ke Melaka bedagang ba pun abad ke-16. "laban pejalai nengah sungai sereta ngambi awak ti lama, rendang engka pilih ti engkeman maya nya nyadika bekal."[8] Kebuah pia laban rendang kering tu tan amat, iya ulih disimpan bebulan-bulan, nya alai iya ulih nyadika bekal lebuh bejalai tauka bejalai dagang.

Chara nyumai

[edit | edit bunsu]

Mayuh dagin ti dikena ngaga rendang iya nya dagin sirih ti lembut. Rempah utama rendang tu kaya amat enggau ngena santan, enggau champur mayuh macham rempah khas ti ditapis nyengkaum chabi tauka "lada"/lado, serai, galangal, kunyit, lia, bawang burak, bawang mirah enggau mayuh macham rempah bukai ti selalu disebut pemasak.

Proses manduk rendang asal tau ngambi awak bejam-jam (selalu iya urung empat jam), nya kebuah manduk rendang begunaka awak enggau penyabar.[9] Keping dagin dipanduk begulai enggau rempah enggau santan ngena api ti patut, dikacau enggau lembau nyentukka santan enggau rempah diserap dagin.[10] Udah rebus, meri mit api lalu terus girau nyentukka santan nya tebal sereta nyadi kering. Manduk rendang ngena mayuh penyabar enggau lama nganti, rendang nya seruran dikacau enggau bejimat ngambika santan kering lalu rempah rendang diserap enggau sempurna enggau enda betunuka tauka ngerusak dagin - proses manduk tu dikelala dalam seni kulinari moden enggau nama ‘karamelisasyen'. Pengawa ngena mayuh bansa rempah meri asai rendang ti kompleks sereta nyelai.[11][12]

Penyelai rendang iya nya ngena rempah asal ti nyadi antiseptik sereta munuh bakteria patogen ngambika iya nyadi pengawet pemakai asal. Bawang burak, bawang mirah, lia, enggau galangal dikelala ngembuan pengelebih antimikrobial ti kering.[13] Enda ngalitka ati enti rendang ulih disimpan pengelama satu ngagai empat minggu. Ke bendar iya, gaya enggau nutrisi rendang ti tan lama ngasuh iya beguna amat nyadi bantu pemakai ngagai mansa penusah alam, baka tanah berenyang Lombok 2018, tanah berenyang enggau tsunami Sulawesi 2018, tsunami Selat Sunda 2018, enggau bah Bengkulu 2019.[14][15][16]

Malin

[edit | edit bunsu]
  1. ↑ Keating, Sarah (11 June 2018). "How an outrage over crispy chicken united South-East Asia". www.bbc.com (in Inggeris). Retrieved 2020-10-11.
  2. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  3. ↑ "Should chicken in rendang curry be crispy? Masterchef U.K. sparks debate". Canoe. Associated Press. 3 April 2018. Archived from the original on 5 April 2018. Retrieved 5 April 2018. The curry (rendang), which originates from West Sumatra in Indonesia, is popular in Malaysia, Indonesia, Singapore, Brunei and southern Thailand.
  4. ↑ Gita Amanda (5 July 2020). "Antropolog: Rendang Bukan Cuma Makanan Tapi Identitas Budaya". www.republika.com (in Indonesia). Retrieved 2020-10-18.
  5. ↑ Hendra, Jose (25 Ogos 2019). "Mengunyah Sejarah Randang". Historia.
  6. ↑ Hikayat Amir Hamzah.
  7. ↑ Cari rendang dalam kesusteran Melayu klassik - malay concordance project
  8. ↑ Urang Minang.com Inilah Rendang Minang Juara dunia itu
  9. ↑ "Rendang Padang, Ikon Masakan Indonesia Hadir di Pameran Wisata Berlin". Pelamin Minang. Retrieved 18 Julai 2020.
  10. ↑ "Rendang, Hidangan Terlezat di Dunia". Kompas. 10 September 2011. Retrieved 18 Julai 2020.
  11. ↑ Ikhwan Wahyudi (27 Julai 2019). "Saat rendang jadi masakan pemersatu bangsa". ANTARA. Retrieved 18 Julai 2020.
  12. ↑ Yulaika Ramadhani (6 November 2018). "Penelitian: Rendang Meski Dimasak Lama, Nilai Gizi Tidak Rusak". Tirto.id. Retrieved 18 Julai 2020.
  13. ↑ Winiati Pudji Rahayu (2000). "Aktivitas Antimikroba Bumbu Masakan Tradisional Hasil Olahan Industri Terhadap Bakteri Patogen Perusak". Buletin Teknologi & Industri Pangan. p. 42-28.
  14. ↑ Liputan6.com. "1 Ton Rendang untuk Korban Gempa Lombok dari Warga Sumatra Barat". liputan6.com. Retrieved 11 Ogos 2018.{{cite news}}: CS1 maint: numeric names: authors list (link)
  15. ↑ Eko Priliawito; Andri Mardiansyah (27 Disember 2018). "1,5 Ton Rendang Siap Dikirim untuk Korban Tsunami Selat Sunda". VIVA (in Indonesia). Retrieved 18 Julai 2020.
  16. ↑ Perdana Putra (6 November 2018). "Pemprov Sumbar Salurkan 1,038 Ton Rendang untuk Korban Banjir Bengkulu". Kompas. Retrieved 18 Julai 2020.