Þórdís Kolbrún Reykfjörð Gylfadóttir
Þórdís Kolbrún Reykfjörð Gylfadóttir (f. 4. nóvember 1987) er íslenskur lögfræðingur og þingmaður fyrir Sjálfstæðisflokkinn.
Hún var ferðamála-, iðnaðar- og nýsköpunarráðherra frá 2017 til 2021, dómsmálaráðherra árið 2019, utanríkisráðherra frá 2021 til 2023 og aftur árið 2024 og fjármálaráðherra frá 2023 til 2024.
Þórdís var varaformaður Sjálfstæðisflokksins frá 2018 til 2025 og hefur sitið á þingi frá árinu 2016.[1] Áður en Þórdís var kjörin á Alþingi var hún aðstoðarmaður þáverandi innanríkisráðherra, Ólafar Nordal.
Menntun og starfsferill
[breyta | breyta frumkóða]Þórdís fæddist á Akranesi og foreldrar hennar eru Gylfi R. Guðmundsson (f. 1956) þjónustustjóri og Fjóla Katrín Ásgeirsdóttir (f. 1957) sjúkraliði. Amma hennar er Jóna Valgerður Kristjánsdóttir alþingismaður sem er systir Guðjóns Arnars Kristjánssonar alþingismanns. Hún er gift Hjalta Sigvaldasyni Mogensen sem er lögmaður.
Þórdís útskrifaðist með stúdentspróf frá Fjölbrautaskóla Vesturlands árið 2007 og árið 2010 með BA-próf í lögfræði frá Háskólanum í Reykjavík. Hún var í Erasmus-skiptinámi við Universität Salzburg vorönn 2011 og útskrifaðist með ML-próf í lögfræði frá HR árið 2012.
Hún starfaði sem lögfræðingur í úrskurðarnefnd umhverfis- og auðlindamála frá 2011 til 2012, var framkvæmdastjóri þingflokks Sjálfstæðisflokksins 2013 til 2014, vann sem stundakennari í stjórnskipunarrétti við HR 2013 til 2015 og á árunum 2014 til 2016 var hún aðstoðarmaður innanríkisráðherra. [2]
Þingferill
[breyta | breyta frumkóða]Þórdís var fyrst kjörinn á þing fyrir Sjálfstæðisflokkinn í Norðvesturkjördæmi árið 2016 og hefur verið endurkjörin síðan. Í prófkjöri Sjálfstæðisflokksins í Norðvesturkjördæmi fyrir Alþingiskosningarnar 2021 kepptust hún við Haraldi Benediktssyni sem var sitjandi oddviti um oddvitasætið. Hún hafði betur en Haraldur hafði lýst því yfir fyrir prófkjörið að hann myndi ekki þiggja annað sæti listans. Á endanum þáði Haraldur þó annað sæti listans. [3]
Hún var kjörinn varaformaður Sjálfstæðisflokksins á Landsfundi flokksins árið 2018 með 720 atkvæðum eða 95,6% gildra atkvæða.[4]
Eftir afsögn Bjarna Benediktssonar sem formanns í janúar 2025 eftir slæmt gengi flokksins í Alþingiskosningunum 2024 bjuggust margir við að Þórdís Kolbrún myndi bjóða sig fram til formanns en árið 2024 lýsti hún yfir að hún ætlaði í formannsframboð þegar að Bjarni myndi hætta sem formaður.[5] En í lok janúar 2025 tilkynnti Þórdís að hún myndi ekki fara í framboð til formanns.
Ráðherraferill
[breyta | breyta frumkóða]Ferðamála-, iðnaðar- og nýsköpunarráðherra (2017–2021)
[breyta | breyta frumkóða]Við myndun ráðuneytis Bjarna Benediktssonar sem samanstóð af Sjálfstæðisflokknum, Viðreisn og Bjartri framtíð var Þórdís skipuð ferðamála-, iðnaðar- og nýsköpunarráðherra. Hún gegndi því embætti áfram eftir myndun fyrsta ráðuneyti Katrínar Jakobsdóttur sem stóð á Sjálfstæðisflokknum, Vinstrihreyfingunni - grænu framboði og Framsóknarflokknum.
Dómsmálaráðherra (2019)
[breyta | breyta frumkóða]Hún var tímabundið Dómsmálaráðherra árið 2019 eftir að Sigríður Á. Andersen sagði af sér embætti. [6] Áslaug Arna Sigurbjörnsdóttir tók yfir dómsmálin sama ár.
Utanríkisráðherra (2021–2023)
[breyta | breyta frumkóða]Eftir að ríkisstjórn Katrínar Jakobsdóttur hélt velli í alþingiskosningunum 2021 var annað ráðuneyti Katrínar Jakobsdóttur myndað og hún var skipuð utanríkis- og þróunarsamvinnuráðherra. Hún var Utanríkisráðherra þegar Innrás Rússa í Úkraínu og Stríð Ísraels og Hamas 2023 byrjuðu.
Fjármálaráðherra (2023–2024)
[breyta | breyta frumkóða]Þann 10. október 2023 tilkynnti Bjarni Benediktsson afsögn sem fjármálaráðherra vegna niðurstöðu umboðsmanns alþingis um vanhæfi hans við sölu Íslandsbanka. Fjórum dögum síðar varð hún nýr fjármálaráðherra og Bjarni Benediktsson tók við embætti utanríkisráðherra. [7]
Utanríkisráðherra (2024)
[breyta | breyta frumkóða]Í apríl 2024 varð Þórdís aftur að utanríkisráðherra eftir að Bjarni Benediktsson varð að forsætisráðherra við útgöngu Katrínar Jakobsdóttur úr ríkisstjórninni. Hún lét af embætti þegar að ríkisstjórnin hætti þann 21. desember 2024.
Heimildir
[breyta | breyta frumkóða]- ↑ „Sex karlar og fimm konur“, RÚV, 30. nóvember 2017.
- ↑ „Þórdís Kolbrún R. Gylfadóttir“. Alþingi. Sótt 15 nóvember 2021.
- ↑ Þórdís Kolbrún sigraði í prófkjöri Sjálfstæðisflokksins í Norðvesturkjördæmi - Kjarninn, 20.6.2021
- ↑ 2018 - Sjálfstæðisflokkurinn
- ↑ „Tilbúin til að leiða flokkinn í næstu kosningum“. www.mbl.is. Sótt 25 janúar 2025.
- ↑ Ritstjórn (14. mars 2019). „Þórdís Kolbrún tekur dómsmálin tímabundið“. VILJINN. Sótt 17 febrúar 2024.
- ↑ Alexander Kristjánsson (14. október 2023). „Bjarni verður utanríkisráðherra og Þórdís fjármálaráðherra“. RÚV. Sótt 14. október 2023.
| Fyrirrennari: Ragnheiður Elín Árnadóttir |
|
Eftirmaður: Áslaug Arna Sigurbjörnsdóttir | |||
| Fyrirrennari: Ólöf Nordal |
|
Eftirmaður: Enn í embætti | |||
| Fyrirrennari: Sigríður Andersen |
|
Eftirmaður: Áslaug Arna Sigurbjörnsdóttir | |||
| Fyrirrennari: Guðlaugur Þór Þórðarson |
|
Eftirmaður: Bjarni Benediktsson | |||
| Fyrirrennari: Bjarni Benediktsson |
|
Eftirmaður: Sigurður Ingi Jóhannsson | |||
| Fyrirrennari: Bjarni Benediktsson |
|
Eftirmaður: Þorgerður Katrín Gunnarsdóttir | |||
