Arief Budiman | |
---|---|
Lair | Soe Hok Djin 14 January 1941 ![]() |
Padunungan | ![]() |
Bangsa | ![]() |
Alma mater | Universitas Indonésia |
Pakaryan | Guru Besar |
Kondhang ing | Aktivis reformasi |
Bojo | Leila Chairani Budiman |
Anak | Adrian, Santi |
Wong tuwa | Soe Lie Piet |
Dulur | Soe Hok Gie (saudara) |
Arief Budiman (Soe Hok Djin) ya iku dhosèn uga pengamat pulitik kang kerep ngritik pamaréntah Orde Anyar.[1] Lair ana Jakarta, 14 Januari 1941.[1]
Kawit enomé, dhèwèké kondhang minangka bocah pinter lan tukang protès.[2] Amarga kekerepen protès, ora langka, dhèwèké ditokaké dhosèné saka kelas nalika ngèlmu ana Fakultas Psikologi, Universitas Indonesia.[2]
Nalika Orde Anyar ngetrapaké asimilasi lan ganti jeneng kanggo wong Tionghoa, ing 1960-an, dhèwèké nentang.[3]
Dhèwèké sing nyetusaké obahan Golongan Putih (Golput) ana Pemilu 1973.[3]
Ing 1997, dhèwèké diangkat dadi Profesor Ketua Program Indonesia ana University of Melbourne, Australia.[4]
Djin wiwit wiwit napak dalan ana sekolah Kanisius Katolik ana Jakarta taun 1950-an. Dhèwèké mesti unggul ana kelas.[4] Kekancané iya karo para èlit enom Jakarta, pribumi uga Tionghoa.[4] Ing sedinan-dinané padha nrima siji lan liyané.[4] Padha ngolok-olok ètnisé dhéwé, nanging ora ngrasa diemungake; amarga ora ana sing disingkiri: dadi Jawa, Tionghoa, Menado, Batak, Sunda.[4]
Ngono uga lebar rampung olèhé sekolah, dhèwèké ora ngrasa mirunggan ètnis Tionghoa, kajaba nalika dhèwèké ana urusan karo birokrasi nagara.[4] Contoné, Nalika nggawé paspor, dhèwèké dijaluki mbayar luwih, amarga dhèwèké wong Tionghoa.[4]