Chrisye

H. Chrisye
Chrisye
Latar wuri
Jeneng lair Christian Rahadi
Jeneng liya Chrismansyah Rahadi
Lair (1949-09-16)16 Sèptèmber 1949
Jakarta,  Indonésia
Pati Maret 30, 2007(2007-03-30) (umur 57)
Jakarta,  Indonésia
Jinis Musik Pop, pop progresif
Pakaryan penyanyi
Instrumen Bass
Taun aktif 1966–2007
Parusahan rekaman Musica Studios
Pasangan Damayanti Noor
Anak Rizkia Nurannisa
Risti Nurraisa
Rainda Prashatya lan Randa Pramasya (kembar)
Agama Islam

Chrisye utawa kang duwé jeneng dawa H. Chrismansyah Rahadi iku sawijining penyanyi pop saka Indonésia.[1] Chrisye lair ing Jakarta, 16 September 1949.[2] Dhèwèké lair saka pasangan (Alm) Laurens Rahadi lan (Alm) Hana.[1] Garwané Chrisye ya iku G.F Damayanti Noor, nikah taun 1982 lan duwé putra papat, ya iku Rizkia Nurannisa, Risti Nurraisa, Rainda Prashatya, lan Randa Pramasya.[2] Wiwit tanggal 31 Juli 2005, Chrisye dirawat ing rumah sakit ing Singapura amarga lara Kanker Paru-Paru. Chrisye ninggal donya jam 4:08 WIB tanggal 30 Maret 2007 ing Jakarta lan dikubur ing TPU Jeruk purut, Jakarta Kidul.[2]

Dilairaké ing Jakarta saka kulawarga Tionghoa-Indonésia, Chrisye kepéncut marang musik nalika isih anom. Nalika isih sinau ing SMA, Chrisye main gitar bas sajeroning sawiji band sing diwangun bebarengan karo kangmasé, Joris. Ing pungkasan dasawarsa 1960-an Chrisye dadi anggota band Sabda Nada (sing tembé buri ganti jeneng dadi Gipsy). Ing taun 1973, sawisé cuti sauntara wektu, Chrisye mèlu band mau menyang New York kanggo main musik. Sawisé mulih menyang Indonésia mung sedhéla, Chrisye bali menyang New York karo band liya, ya iku The Pro's. Sawisé bali menyang Indonésia, ing taun 1976 Chrisye makarya padha karo Gipsy lan Guruh Soekarnoputra kanggo ngrekam album indie Guruh Gipsy.

Sawisé suksès gawé Guruh Gipsy, ing taun 1977 Chrisye ngasilaké loro karya sing paling apik, ya iku "Lilin-Lilin Kecil" tulisan James F. Sundah sarta album jalur swara Badai Pasti Berlalu. Sukses kaloro karya iki agawé Chrisye direkrut déning Musica Studios, lan karo parusahan rekaman iku Chrisye ngrilis album solo perdhanané, Sabda Alam, ing taun 1978. Saklawasé karieré sing punjul 25 taun Chrisye ngasilaké 18 album solo liya, sarta main sajeroning siji filem: Seindah Rembulan (1981).

Chrisye tilar donya ing omahé ing Jakarta ing tanggal 30 Maret 2007 sawisé mataun-taun nandang lara kanker paru-paru. Chrisye ninggal garwa, Gusti Firoza Damayanti Noor, lan papat anak.[3]

Dikenal kanggo vokalé sing alus lan gaya panggung sing kaku, Chrisye dianggep salah siji penyanyi Indonésia legendharis. Lima album sing kalebu karyané diamot sajeroning pratélan 150 Album Indonésia Paling apik déning kalawarta musik Rolling Stone Indonésia. Lima laguné (lan siji manèh sing Chrisye njurung) diamot sajeroning pratélan lagu paling apik déning kalawarta sing padha ing taun 2009. Sawetara albumé disertifikasi pérak utawa luwih dhuwur. Chrisye nampa loro lifetime achievement award, siji ing taun 1993 saka BASF Awards lan siji manèh ing taun 2007 saka stasiun télévisi SCTV. Ing taun 2011, Rolling Stone Indonésia nyathet Chrisye minangka musisi Indonésia paling apik nomer telu salawasé.

Sekolahé

[besut | besut sumber]

Karir

[besut | besut sumber]

Chrisye wiwit aktif ngrintis karir musiké ing taun 1968 nalika nggabung dadi basis sajeroning formasi Sabda Nada. Taun 1968-1969 dhèwèké nggabung grup musik Gipsy karo Zulham Nasution, Keenan Nasution, Gauri Nasution, Onan lan Tami.[4] Prabawa musik Gypsi teka saka blood, sweat & tears, procol harum, king crimson, genesis lan chichago.[5] Karo golongan Gipsy iki Chrisye kang nalika iku dadi penyanyi (vokalis) lan bassis tau kacathet dadi grup musik penghibur ing sawijining restoran Indonésia ing New York.[4]

Nalika ing New York, Chrisye nggabung karo Abadi Soesman, Dimas Wahab, Rony Makasutji, lan Broery Marantika kang kagabung sajeroning grup musik The Pro's.[6]

Nanging Gipsy ora tahan suwé. Taun 1970 Gipsy Band lan Chrisye tau manggung ing TIM Jakarta kang nekakaké swargi Mus Mualim.[4]

Saktekané ing Indonésia, Chrisye lan GIPSY kolaborasi karo Guruh Soekarnoputra nggawé album rekaman. Kolaborasi iki kasil nggawé album rock ya iku Guruh Gipsy kang ana unsur-unsur tradhisional gamelan Bali lan instrumèn konvènsional.[5]

Watara taun 1977, Chrisye nembé miwiti karier solo. Dhèwèké nembangaké lagu karyané James F. Sundah kang judhulé Lilin-lilin Kecil. Dhèwèké uga menang "Lomba Karya Cipta Lagu Remaja Prambors" (LCLR). Sakdawané taun 1980-an tekan taun 2000, mèh kabèh album kang dirilis kerep ditampa apik ing indhustri musik Indonésia.[4]

Chrisye sansaya kawentar ing akir taun 70-an nalika nggawé soundtrack filem Badai Pasti Berlalu karo Jockie Surjoprajogo lan Eros Djarot.[2]

Anggota band lan proyèk wiwitan (1968–1977)

[besut | besut sumber]
Barkas:Chrisye in 1977.jpg
Chrisye main bas ing taun 1977.

Ing tengahan dasawarsa 1960-an, kulawarga Nasution minangka sawijining grup musik; Chrisye lan Joris nonton grup musik mau main musik Uriah Heep lan Blood, Sweat & Tears.[7] Ing taun 1968 Chrisye ndhaftar ing Universitas Kristen Indonésia (UKI) supaya dadi insinyur kaya sing dikarepaké bapaké. Watara taun 1969, Gauri ngundang supaya dadi anggota grup musik Nasution, Sabda Nada, kanggo ngganti juru main bas sing pinuju lara, Eddi Odek.[8][9] Amarga marem marang kemampuané, Nasution sasedulur njaluk Chrisye dadi anggota tetep. Sabda Nada main kanthi teratur ing Mini Disko ing Jalan Juanda sarta kanggo pista ulang taun lan pernikahan.[9] Nalika Chrisye diwènèhi kasempatan kanggo nembang nalika nembangaké lagu vèrsi daur ulang, Chrisye ngupaya nganggo swara sing mèmper penyanyi asliné.[10]

Ing taun 1969 Sabda Nada ngganti jeneng dadi Gipsy supaya kaprungu luwih macho lan kaya grup musik Barat.[11][12] Jadwal kanggo grup musik iku, sing ora duwé manager, padhet banget amarga main kanthi teratur ing Taman Ismail Marzuki.[13][14] Wusnané, Chrisye mundur saka UKI; ing taun 1970 Chrisye lumebu Akademi Pariwisata Trisakti amarga ngganggep jadwalé luwih flèksibel.[14]

Rong taun sabanjuré, Chrisye ditawani main ing New York. Sanadyan Chrisye seneng banget, Chrisye wedi nyaritakaké marang bapaké, sing Chrisye ngrasa ora bakal sarujuk. Wusanané Chrisye lara sawatara sasi, sauntara iku Sabda Nada lunga menyang New York.[15] Sawisé Chrisye mbahas rasa kuwatiré karo ibuné lan Joris, bapaké banjur sarujuk supaya Chrisye mundur saka kuliah lan lunga menyang New York. Sawisé kaséhatané pulih, ing tengah taun 1973 Chrisye lunga bebarengan Pontjo nemoni Gipsy ing Amérikah Sarékat;[16] ing taun sing padha Chrisye mundur saka Trisakti.[8]

Saklawasé ing New York, Gipsy manggung ing Ramayana Restaurant,[17] sing duwèké parusahan lenga Pertamina. Band iku, sing dipapanaké ing sawijining apartmen ing Fifth Avenue, manggon ing New York amèh setaun. Band iki nembangaké lagu-lagu Indonésia sarta vèrsi dhaur ulang saka lagu Procol Harum, King Crimson, Emerson, Lake & Palmer, Genesis lan Blood, Sweat & Tears. Sanadyan Chrisye ngrasa frustrasi amarga ora bisa èksprèsi dhiri kanthi musik orisinal, Chrisye tetep nyambut gawé.[18]

Sawisé bali menyang Indonésia ing pungkasan taun 1973, Gauri ngenalaké Chrisye karo juru nulis lagu Guruh Soekarnoputra, anak saka mantan présidhèn Soekarno. Déné Nasution sasedulur karya bebarengan karo Guruh kanggo nyiapaké proyèké, Chrisye wiwit ngripta lagu dhéwé; amarga ngripta lagu dhéwé Chrisye rumangsa yèn Chrisye kangèlan gawé lirik sing ngandhut konsonan keras, lan bisa ngéndhani uni mau.[19] Taun sabanjuré Chrisye bali menyang New York karo band liya, The Pro's. Ing tengahan taun 1975

Prèstasi

[besut | besut sumber]

Internasional

[besut | besut sumber]

Nasional

[besut | besut sumber]

Film

[besut | besut sumber]

Saliyané duwé prèstasi musik Chrisye uga nduwé kaprigelan liya, amarga kasunyatané dhèwèké tau main sajeroning filem layar amba kaya ta "Seindah Rembulan" (1981) lan dadi bintang tamu ing "Gita Cinta dari SMA" (1981).[1]

Lima saka wolulas album solo kang wis dirilis Chrisye kasil éntuk bebungah musik paling gèngsi ing Indonésia kang dianakaké déning perusahaan pabrik pita kaset kosong, HDX lan BASF. Ing antarané album Aku Cinta Dia, Hip Hip Hura, Kisah Cintaku lan Pergilah Kasih. Sawijining tembang kang diripta déning Chrisye, judhulé Lagu Cinta kang dilagokaké déning Vina Panduwinata kasil éntuk bebungah lagu paling apik déning BASF.[4]

Album

[besut | besut sumber]
  • Lilin-Lilin Kecil (Single), Jurang Pemisah (1976)
  • Guruh Gipsy: Album Guruh Gipsy (1977)
  • Badai Pasti Berlalu (1977)
  • Sabda Alam (1978)
  • Percik Pesona (1979)
  • Puspa Indah Taman Hati-solo album (1980)
  • Pantulan Cinta-solo album (1981)
  • Resesi-solo album (1983)
  • Metropolitan (1983)
  • Nona (1984)
  • Sendiri (1984)
  • Aku Cinta Dia (1985)
  • Hip Hip Hura (1985)
  • Nona Lisa (1986)
  • Jumpa Pertama (1987)
  • Hening, Kidung-new arrangement (1988)
  • Pergilah Kasih-solo album (1989)
  • Cintamu T’lah Berlalu (1992)
  • Sendiri Lagi (1993)
  • Kesan Dimatamu (1994)
  • AcoustiChrisye (1996)
  • Kala Cinta Menggoda (1997)
  • Badai Pasti Berlalu-Re-recorded (1999)
  • Konser Tur Legendary (2001)
  • Dekade (2002)
  • Senyawa (2004.[1]

Album Kompilasi

[besut | besut sumber]
  • 1994-THE BEST OF
  • 1996-AKUSTICHRISYE
  • 1999-BEST CINTA
  • 2002-KONSER TUR 2001
  • 2007-CHRISYE MASTERPIECE TRILOGY LIMITED EDITION.[6]

Single

[besut | besut sumber]
  • 1992-Cintamu Telah Berlalu
  • 1990-Hening bersama Rafika Duri & Trio Libels
  • 1990-Kidung bersama Rafika Duri & Trio Libels
  • 1994-Kesan Di Matamu
  • 2008-Lirih.[6]

Cathetan sikil

[besut | besut sumber]
  1. ↑ a b c d e biografi.rumus.web.id Archived 2011-11-04 at the Wayback Machine. (diaksès tanggal 16 September 2011)
  2. ↑ a b c d gadogadomusik.com Archived 2011-09-05 at the Wayback Machine. (diaksés tanggal 16 September 2011)
  3. ↑ Antara 2007, Chrisye Tilar donya Dunia.
  4. ↑ a b c d e f g www.uniquenews.net Archived 2011-10-05 at the Wayback Machine. (diaksès tanggal 16 September 2011)
  5. ↑ a b www.indonesiantunes.com (diaksés tanggal 16 September 2011)
  6. ↑ a b c selebriti.kapanlagi.com (diaksès tanggal 16 September 2011)
  7. ↑ Endah 2007, kc. 58-59.
  8. ↑ a b Hariyadi, Redana, and Mulyadi 1998, Luwih Jauh dengan Chrisye.
  9. ↑ a b Endah 2007, kc. 62–66.
  10. ↑ Kompas 1993, Chrisye: Menjadi Penyanyi.
  11. ↑ Antara 2007, Chrisye Meninggal Dunia.
  12. ↑ Hariyadi, Redana, and Mulyadi 1998, Lebih Jauh dengan Chrisye.
  13. ↑ Antara 2007, Chrisye meninggal Dunia.
  14. ↑ a b Endah 2007, kc. 66–71.
  15. ↑ Endah 2007, kc. 75–80.
  16. ↑ Endah 2007, kc. 81–86.
  17. ↑ Antara 2007, Chrisye Tilar Meninggal Dunia.
  18. ↑ Endah 2007, kc. 86–96.
  19. ↑ Endah 2007, kc. 96–97.

Rujukan

[besut | besut sumber]
  • Endah, Alberthiene (2007). Chrisye: Sebuah Memoar Musikal. Jakarta: Gramedia Pustaka Utama. ISBN 978-979-22-2606-5.