Coto Makassar

Coto Makassar
Coto Makassar
Panggonan asalIndonésia
Tlatah utawa prajaSulawesi Kidul Makasar
Woworan pokokjeroan sapi (utawa kebo)(babat, jantung, lan limpa)
Buku masakan: Coto Makassar  Médhia: Coto Makassar

Coto Makassar utawa Coto Mangkasara yaiku panganan wujud sup khas saka Makassar, Sulawesi Kidul.[1] Coto Makassar digawé saka bahan jeroan sapi (utawa kebo), kaya ta ati, babat, jantung, lan limpa kang wis digodhog kanthi wektu kang suwé.[1][2] Godhogan jeroan kang campur karo daging sapi iki banjur diiris-iris lan dibumboni.[2] Coto Makassar iku kalebu jinis sup.[1] Kang gawé énak coto Makassar yaiku duduhé. Coto Makassar dimasak ing panci grabah kang diarani korong butta utawa uring butta lan dimasak bareng karo rampah patang pulo utawa patang puluh manéka warna rempah.[1] Rampah patang pulo yaiku kacang, miri, cengkèh, pala, feoli, sere kang diuleg alus, laos, mrica, brambang, bawang, jinten,tumbar abang, tumbar putih, jaé, laos, godhong jeruk purut, godhong salam, godhong kunir, unclang, slèdri, godhong prei, lombok abang, lombok ijo, gula talla, asem, kayu legi, uyah, katès enom kanggo ngempukake daging, lan enjet kanggo ngresiki jeroan.[2] Bumbon crakèn iku gunané uga kanggo tamba kolesterol kang ana ing jeroan sapi coto makassar.[1][2] Coto Makassar padatan dipangan bebarengan karo kupat, burasa, lan sambel tauco.[1]

Cathetan suku

[besut | besut sumber]
  1. ↑ a b c d e f Coto Makassar Archived 2011-08-05 at the Wayback Machine.(13 Agustus 2011)
  2. ↑ a b c d Peluang Bisnis Coto Makassar Archived 2011-10-01 at the Wayback Machine. (13 Agustus 2011)