Istana Pagaruyung

Pura Pagaruyung

Pura Pagaruyung utawi Istano Misuwur inggih punika satunggalipun pura ingkang dumunung wonten ing tlatah Batusangkar, Kabupatèn Tanah Datar sumatra Kilèn.[1] Pura Pagaruyung ingkang sapunika wonten punika réplika saking pura ingkang asli.[1] Pura Baso ingkang asli dunungipun wonten ing Bukit Batu Patah sampun kobongan ngantos telas ing satunggalipun prastawa karusuhan ing taun 1804.[1] Prosés renovasi malih Pura Baso dipunwontenaken ing tanggal 27 Dhésèmber 1976.[1] Nalika taun 1970-an pura punika dipunkeparengaken dipunpanggihi déning masarakat.[1] Nalika taun 2008, pura punika kebakar malih nanging lajeng dipunyasa malih.[1]

Nalika tanggal 27 Fèbruari 2007, Pura Pagaruyung nandhang kabakaran ageng amargi bledhèg ingkang nyamber pupusipun pura.[2]. Amargi kabakaran punika, wangunan pura punika rata kaliyan lemah.[3] Dhokumén-dhokumén lan rerenggan ingkang wonten ing salebetipun pura ndhèrèk kabakar.[3] Kinten-kinten namung 15 persén dhokumen lan bandha ingkang slamet.[3] Bandha ingkang slamet saking kabakaran punika sapunika dipunsimpen ing Balai Benda Purbakala Kabupatèn Tanah Datar.[3] Ragad ingkang dipunanggé kanggé yasa malih pura punika kinten-kinten nelasaken arta langkung saking Rp 20 miliar.[4] Bandha pusaka Karajan Pagaruyung dipunsimpen ing Istano Silinduang Bulan, 2 kilomèter saking Pura Pagaruyung.[4]

Cathetan suku

[besut | besut sumber]
  1. ↑ a b c d e f [Suhada, Ichsan (lan kanca-kanca). 2009. Pesona Indonesia; Pariwisata, Budaya dan Sosial (Lebih Dekat Mengenal Pulau Sumatra. Surabaya:Bintang Ilmu;kaca 71]
  2. ↑ "Istano Pagaruyung Terbakar". Diarsip saka sing asli ing 2007-03-10. Dibukak ing 2011-09-17.
  3. ↑ a b c d Istano Pagaruyung Terbakar, Semua Bukti Sejarah di Istano Hangus
  4. ↑ a b "Perbaikan Istana Pagaruyung Lebih dari Rp 20 Miliar". Diarsip saka sing asli ing 2007-03-07. Dibukak ing 2011-09-17.

Pranala njawi

[besut | besut sumber]

Istano Pagaruyung Terbakar, Semua Bukti Sejarah di Istano Hangus