Lepet

     
Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Lepet iku sawijining panganan tradhisional sing digawé saka beras ketan lan dibungkus nganggo janur. Isa dimangerteni yèn ana lepet iya mesthi ana kupat. Lepet, yèn ing laladan Rembang lan Pati racaké digawé ing wanci pitung dina sawisé bada/riyaya/Idul Fitri, lan lumrahé banjur sinebut bada kupat. Ing désa Trembulreja Kabupatèn Blora, nalika bada kupat dianakaké bancakan nganggo ambeng kupat lan lepet, nanging kang dibancaki iku sapi, supaya anggoné digunakaké nyambut gawé para tani bisa slamet lan gancar. Yèn ing Kabupatèn Kendhal, saliyané kanggo mahargya dina Idul Fitri, lepet uga digawé ing saben tanggal siji sasi sura, lan lumrahé uga mau adicara lepat sura.

Lepet uga ana sing nganggo kacang srondhol kanggo isiné.

Cara gawé lepet

[besut | besut sumber]
  • Beras ketan dipususi (dikumbah) resik banjur direndhem kira-kira sejam, supaya rada medhok yèn di masak.
  • Sawisé direndhem beras ketan ditus utawa banyuné dibuang terus ditus nganti banyuné ilang.
  • Sawisé ditus, dicampur klapa anom sing wis diparut, uyah diulèni nganti kecampur rata(bisa uga ditambahke kacang srondhol kanggo isi lepet)
  • Sawisé dicampur disiapaké janur kanggo bungkus.
  • Carané bungkus janur lan ditalèni karo tus-pring sing disèsèt tipis-tipis karebèn ora udhar lan wutah kabèh beras sing ana ing sajeroné wadhah janur.
  • Sawisé dibungkus janur, banjur digodhok kira-kira 4 jam supaya mateng, kanthi geni kang apik.
  • Sawisé mateng disiapné kanggo didhahar.

Rujukan

[besut | besut sumber]