Nia Dinata

Nia Dinata
Nia Dinata
Latar wuri
Lair (1970-03-04) Maret 4, 1970 (umur 54)
Indhonésia Jakarta
Pakaryan Sutradara
Produser
Taun aktif 2002-sekarang
Pasangan Constantine Papadimitriou
Anak Petrov dan Gibran

Nia Iskandar Dinata (lair ing Jakarta, 4 Maret 1970; umur 54 taun) inggih punika satunggalipun sutradara saking Indonésia.[1]

Karier

[besut | besut sumber]

Wiwitan karier sutradara èstri punika saking damel klip video lan filem iklan.[1] Ing wiwitanipun taun 2000, Nia damel perusahaan filem independen Kalyana Shira Film.[1] Nia lajeng dados sutradara filem Ca Bau Kan (2002) ingkang dipunanngkat saking novèl kanthi irah-irahan ingkang sami karyanipun novelis Remy Sylado.[1] Setting carita dipundamel kados taun 1930-an, ingkang nyaritakaken kisah tokoh pejuang kabangsan Tionghoa. Film punika angsal pirang-pirrang kanugrahan saking festival Internasional.[1] Ing taun 2004, Nia dados sutradara filem Arisan! sukses sanget saking pajengipun ing masarakat lan komentar saking komentar kritikus. Film punika angsal kathah kanugrahan, kalebet saking Festival Film Indonésia lan MTV Movie Awards.[1] Karya ingkang salajengipun ugi angsal pangalembana lan kritik saking pandemen filem, filem punika Berbagi Suami, filem ingkang mbahas babagan poligami wonten ing tigang segmen sarta nglibataken kathah juru main filem lan teater kawakan kados Ria Irawan, Jajang C. Noer, lan Tio Pakusadewo.[1]

Filmografi

[besut | besut sumber]

Film ingkang sampun dipuntanganii déning Nia Dinata inggih punika: Meraih Mimpi (2009) (penulis), Perempuan Punya Cerita (2007; segmen Cerita dari Cibinong), Quickie Express (2007) (prodhuser), Long Road to Heaven (2007) (prodhuser), Berbagi Suami (2006) (sutradara, penulis), Janji Joni (2005) (prodhuser), Ajang ajeng (2004)-serial TV (prodhuser), Arisan! (2003) (sutradara, prodhuser èksekutif), Joni Be Brave (2003) (prodhuser), Biola Tak Berdawai (2003) (ko-prodhuser), Ca Bau Kan (2002) (sutradara, prodhuser).[2]

Cathetan suku

[besut | besut sumber]
  1. ↑ a b c d e f g Nia Dinata dipunundhuh tanggal 28 Juli 2011)
  2. ↑ Apa dan Siapa PDAT Archived 2005-04-13 at the Wayback Machine. dipunundhuh tanggal 28 Juli 2011)

Pranala njawi

[besut | besut sumber]