Sheila Majid
 (2015) | |
| Biografi | |
|---|---|
| Nifas | 3 Januari 1965 (59 tahun  )Kuala Lumpur |
| Kelompok etnik | Wong Jawa, Wong Mandailing lan Wong Melayu |
| Agama | Islam |
| Kegiatan | |
| Pakaryan | Aktor, juru nyanyi lan seniman rekaman (id) |
| Wayah aktif | 1984 – |
| Genre | Jazz |
| Instrumen | Swara |
Penghargaan
| |
  | |
Sheila Majid utawi Shaheila Abdul Majid inggih punika penyanyi (diva) saking Malaysia[1], lan misuwur ing Indonesia.[2] Sheila misuwur kanthi lagunipun Antara Anyer dan Jakarta ingkang dipunrilis taun 1987.[2] Sanèsipun punika, Sheila ingkang lair tanggal 3 Januari 1965 punika, sampun ngliris 19 album, ing antawisipun inggih punika Cinta Jangan Kau Pergi (1996), Ratu (1996), Ku Mohon (1999), lan sanèsipun.[2] Sheila punika putri pungkasan saking wolu sadherekipun ingkang nelasaken wekdal alitipun ing Kutha Kuala Lumpur, Malaysia.[2] Sheila naté palakrami kaliyan Roslan Aziz, tiyang ingkang naté dados prodhuser albumipun Sheila.[2] Nanging palakrami punika purna amargi pegatan.[2] Sheila lajeng palakrami malih kaliyan satunggalipun kibordis saking band Gersang, Hasyim Abdullah, utawi ingkang misuwur kanthi asma Acis.[2] Kekalihipun palakrami tanggal 3 Juni 2003 lan gadhah sekawan putra, kalih saking palakrami ingkang sadèrèngipun, Wan Nur Khaleda (16 taun) lan Megat Abdul Majid (12 taun) lan kalih sanèsipun saking palakrami ingkang sapunika, Khadeja Zaireen Murshim (2) lan Khalifa Laila Murshim (1 sasi).[2] Sheila remen kaliyan jagad musik wiwit nemipun, inggih punika nalika piyambakipun sinau piano ing umur 4 taun.[2] Nalika pentas ing sukuran ulang taun kancanipun, satunggalipun prodhuser remen kaliyan bakatipun Sheila, lan pungkasanipun Sheila saged pikantuk kontrak saking Roslan Aziz ingkang kasil damel albumipun ingkang kapisan, Dhimènsi Baru, ing taun 1985.[2]
Cathetan suku
[besut | besut sumber]- ↑ Konser 25 Tahun Sheila Majid Jalin Kebersamaan Dua Nagara[pranala mati permanèn] dipunundhuh tanggal 29 Juli 2011)
- ↑ a b c d e f g h i j Sheila Majid dipunundhuh tanggal 29 Juli 2011)
Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |