Sherina Munaf

Sherina Munaf
Sherina Munaf
Latar wuri
Jeneng lair Sinna Sherina Munaf
Lair (1990-06-11) Juni 11, 1990 (umur 34)
Bandung, Indonesia
Taun aktif 1999-sekarang
Parusahan rekaman Trinity Optima Production
Wong tuwa Triawan Munaf dan Luki Ariani

Sherina Munaf ya iku artis lan penyanyi wédok ing Indonesia kang duwé jeneng dawa Sinna Sherina Munaf.[1] Dhèwèké lair ing Bandung, Jawa Barat, nalika tanggal 11 Juni 1990.[1] Kenya putri saka pasangan Triawan Munaf lan Luki Ariani.[1] Sherina kaloka kawit cilik.[1] Penampilane kang lugu kaya déné bocah-bocah, nanging kuwalitas swarane ora kalah karo wong diwasa, iku kang ndadèkaké dhèwèké disenengi wong akèh.[1] Kang seneng Sherina ora mung bocah cilik, nanging uga wong-wong kang luwih tuwa saka kenya.[1]

Karir

[besut | besut sumber]

Ing taun 1999, Sherina wiwit nggawé album kang kapisanan kanthi irah-irahan "Andai Aku Besar Nanti".[1] Tembang-tembang kang ana ing album iku ya iku, "Andai Aku Besar Nanti", "Pelangiku", lan "Kembali ke Sekolah".[1] Sawisé iku, kenya nggawé album kang kaping pindho kang uga diangkat dadi filem layar lebar.[1] Film iku dimainake bareng Didi Petet, Mathias Munchus, lan Butet Kartaradjasa.[1] Film iku ndadèkaké Sherina minangka bintang filem, sanadyan fileme kang liyané durung ana.[1] Nalika remaja, Sherina nggarap album My Life kanthi tembang kang diandhelake My Life, Aku Tlah Dewasa, lan Clik Clok.[1] Nalika taun 2007, kenya nggarap album manèh kanthi irah-irahan Primadona.[1] Ing album iku, dhèwèké tampil kanthi gaya kang diwasa lan tembang-tembang diwasa kang digawé kenya dhéwé.[2]

Sanadyan ish nom, nanging kemampuan ngripta tembang bisa dianggep remeh. Ing taun 2008, Sherina diwènèhi kapercayan nggarap tembang ing Soundtrack filem Ayat-Ayat Cinta.[1] Kanthi tembange Jalan Cinta, Sherina nguduhake marang wong akèh yèn dhèwèké bisa ngipta lagu uga dadi kang nyayikake,[1] Ing filem Laskar Pelangi taun 2008, Sherina dipercaya manèh nggarap tembang kanggo soundtrack filem iku.[1] Tembang kang digarap ya iku Ku Bahagia kang dinyanyikake lan dikripta déning kenya.[1]

Cathetan suku

[besut | besut sumber]
  1. ↑ a b c d e f g h i j k l m n o p q selebriti.kapanlagi.com Sherina Munaf (Kajupuk tanggal 5 Maret 2011)
  2. ↑ milesfilms.net Archived 2012-03-15 at the Wayback Machine. Mira Lesmana, prodhuser filem (kaundhuh tanggal 24 Juli 2011)