Yukhoe

Yukhoe
Jeneng Koréa
Hangul	육회
Hanja	肉膾
Alihaksara Koréa Kang Sinampurna	Yukhoe
McCune–Reischauer	Yukhoe

Yukhoe ya iku sawijining hoe ing masakan Koréa wujud daging sapi menteh kang dirajang lembut lan diwènèhi bumbu sarta saos. Pérangan daging sapi kang dianggo ya iku pérangan panutup.^[1]

Bumbu yukhoe ya iku campuran kécap asin, gula pasir, uyah, lenga wijèn, unclang, bawang giling, wijèn, mrica, lan sari woh bae. Ing sandhuwure daging diwènèhi kuning endhog pitik menteh. Yukhoe dipangan nganggo saos s gochujang kang diarani hoejeup (회즙).

Saliyané digawé saka daging sapi cacah, panganan iki uga bisa digawé saka ilat, ati, ginjel, jantung, utawa weteng buku saka sapi. Bibimbap kang ndhuwure diwènèhi yukhoe diarani yukhoe bibimbap.

Sajarah

Miturut resep yukhoe ing buku masak Siuijeonseo (시의전서, hanja: 是議全書) kang metu ing pungkasan abad kaping-19, sadurungé diiris, irisan daging sapi kang tipis dikum dhisik supaya getihe ilang. Daging dikum ing saus kang digawé saka campuran unclang, bawang cacah, bubuk mrica, lenga, madu, kacang cemara, wijen, lan uyah. Nalika disuguhake, yukhoe dipangan karo saos kang diarani chogochujang, ya iku saus kang digawé saka campuran gochujang lan cuka sarta gula.^[2]

Cathetan suku

1. "육회 (肉膾)" . 두산백과사전. Dibukak ing 24 November 2007.
2. "육회 (肉膾)" . Empas Dictionary. Dibukak ing 24 November 2007.

Wikimedia Commons duwé médhia ngenani Yukhoe.