ნამიგ აბდულაევი
.jpg) | |
| პირადი ინფორმაცია | |
|---|---|
| დაბ. თარიღი | 4 იანვარი, 1971 (53 წლის) |
| დაბ. ადგილი | ბაქო |
| სიმაღლე | 167 |
| ქვეყანა | აზერბაიჯანი |
| ჯილდოები | სსრკ-ის სპორტის ოსტატი და სსრკ-ის საერთაშორისო კლასის სპორტის ოსტატი |
ნამიგ იადულა ოღლი აბდულაევი (აზერ. Namiq Yadulla oğlu Abdullayev; დ. 4 იანვარი, 1971, ბაქო, აზერბაიჯანის სსრ, სსრკ) — აზერბაიჯანელი თავისუფალი სტილით მოჭიდავე, პოლიციის პოლკოვნიკი, სპორტის დამსახურებული ოსტატი, მწვრთნელი. 2000 წლის სიდნეის ზაფხულის ოლიმპიური თამაშების ჩემპიონი წონით 54 კგ წონით კატეგორიაში. ის იყო აზერბაიჯანის ნაკრების მედროშე 2000 წლის სიდნეის ზაფხულის ოლიმპიური თამაშების გახსნის ცერემონიაზე. 1996 წლის ოლიმპიადაზე ატლანტაში, სადაც მეორე ადგილი დაიკავა, გახდა დამოუკიდებელი აზერბაიჯანის პირველი სპორტსმენი, რომელმაც ოლიმპიური მედალი მოიპოვა. ნამიგ აბდულაევის ძმა არის მსოფლიო ჩემპიონის არიფ აბდულაევი.[1].
ბიოგრაფია
[რედაქტირება | წყაროს რედაქტირება]ნამიგ იადულა ოღლუ აბდულაევი დაიბადა 1971 წლის 4 იანვარს, ბაქოში, აზერბაიჯანის სსრ-ში. აბულაევი ჭიდაობაზე შევიდა მისი ბიძაშვილის ელხანის ინიციატივით. 1983 წელს იგი ჩაირიცხა სპარტაკის საზოგადოებაში. მისი პირველი მწვრთნელი იყო დამსახურებული მწვრთნელი ვაჰიდ მამედოვი. სპორტსმენმა პირველ წარმატებას ხუთი წლის შემდეგ მიაღწია, როდესაც აბდულაევი გახდა უკრაინაში ჩატარებული ზაფხულის ოლიმპიური თამაშების სალიცენზიო ტურნირის გამარჯვებული. სწორედ ამ ტურნირის დროს ნამიგი საბჭოთა კავშირის ნაკრების მწვრთნელების ყურადღების ცენტრში მოექცა. ამ მოვლენიდან ორი წლის შემდეგ აბდულაევი გამოიძახეს სსრკ -ს ეროვნულ ნაკრებში. პირველ მცდელობისას ვერცხლის მედალი მოიპოვა, ხოლო მომდევნო წელს ოქროს მედლები, ნამიგ აბდულაევი წავიდა მსოფლიო ჩემპიონატზე კანადაში 1990 წელს სსრკ-ს ეროვნული ნაკრების შემადგენლობაში. პირველ საერთაშორისო შეჯიბრში 19 წლის ასაკში ოქროს მედალი მოიპოვა. არის ევროპის სამგზის ჩემპიონი. 1994 წელს 52 კგ წონით კატეგორიაში მოიგო ევროპის ჩემპიონატი. 1995 წელს ზედიზედ მეორედ მოახერხა ევროპის ჩემპიონატის მოგება. 1996 წელს გამართულ ევროპის ჩემპიონატზე მოიპოვა ბრინჯაოს მედალი. 1997 და 2006 წლებში ევროპის ჩემპიონატზე მოიპოვა ვერცხლის მედალი. მსოფლიო ჩემპიონატის სამგზის (1994, 1998, 2002) ვერცხლის მედლისა და ერთგზის (2006) ბრინჯაოს მედლის პრიზიორი. აბდულაევმა კარიერა 2009 წელს დაასრულა.
პირადი ცხოვრება
[რედაქტირება | წყაროს რედაქტირება]2008 წლის 28 ოქტომბერს, 37 წლის ასაკში ნამიგ აბდულაევი დაქორწინდა. ქორწილი გაიმართა აზერბაიჯანის დედაქალაქ ბაქოში.[2].