ბერჟე
| ბერჟე | |
|---|---|
| Gouffre Berger | |
 ბერჟე | |
| კოორდინატები: 45°13′09″ ჩ. გ. 5°36′16″ ა. გ. / 45.21917° ჩ. გ. 5.60444° ა. გ. | |
| ქვეყანა |  საფრანგეთი
|
| ტერიტორიული ერთეული | რონა-ალპები |
| სიგრძე | 31 790 მ |
| სიღრმე | 1271 მ |
| აღმოჩენის წელი | 1953 |
| შესასვლელთა რაოდენობა | 9 |
| სირთულის კატეგორია | 5B |
| ამგებელი ქანები | კირქვა |
  | |
ბერჟე (ფრანგ. Gouffre Berger) — კარსტული უფსკრული საფრანგეთში. მდებარეობს გრენობლის სამხრეთ-დასავლეთით, ვერკორის პლატოზე. გამომუშავებულია ცარცულ კირქვებში.
ჩასასვლელი ხვრელი ზღვის დონიდან 1460 მ სიმაღლეზეა. ვიწრო, დახრილი გვირაბის მიღმა იწყება ღრმა ჭების, შახტებისა და დარბაზების ანფილადა. ბერჟეს უმეტეს ნაწილში მიედინება მიწისქვეშა მდინარე, რომელიც მაღალ ჩანჩქერებს აჩენს. ბერჟე პირველი უფსკრულია, სადაც კვლევები 1 კმ და მეტ სიღრმეზე ჩატარდა.
1954-1963 წლებში ითველობოდა მსოფლიოს ყველაზე ღრმა უფსკრულად. 1956 წელს ბერჟეს სიღრმე განისაზღვრებოდა 1122 მეტრით.[1] 1964 წელს ბერჟემ პირველობა დაუთმო პიერ-სენ-მარტენის მღვიმეს. დღეისათვის ბერჟეს სიღრმეა 1271 მ.[2] უფსკრულში მრავალრიცხოვან გამოკვლევებს ატარებდა ფრანგი სპელეოლოგი ფერნანდ პეტცლი. ბერჟეს უფსკრული აღმოაჩინა ჟოზეფ ბერჟემ 1953 წლის 24 მაისს. იმ მომენტისთვის ჩასვლა მოახერხეს 52 მეტრამდე. იმავე წელს ჩავიდნენ 350 მ-მდე. 1955 წელს სპელეოლოგებმა მიაღწიეს თითქმის 1 კილომეტრიან ნიშნულს.
1967 წელს ბრიტანელი კენ პერსი გუნდთან ერთად ჩავიდა 1133 მ სიღრმეზე. 1968 წელს დაფიქსირდა ახალი სიღრმე — 1141 მ, ხოლო 1982 წელს 1191 მ.[3] 1990 წელს სიფონით დაუკავშირდა ახლოს მდებარე მღვიმეს. საერთო ჯამში სიღრმემ მიაღწია 1271 მ-ს.[4] 2010 წლისათვის სიღრმე უდრიდა 1271 მ-ს.
რესურსები ინტერნეტში
[რედაქტირება | წყაროს რედაქტირება]- ბერჟე — სტატია დიდი რუსული ენციკლოპედიიდან (რუსული)
სქოლიო
[რედაქტირება | წყაროს რედაქტირება]- ↑ ექსპედიცია წყვდიადში. ვერტიკალური შეჯიბრებები
- ↑ კარსტული უფსკრული ბერჟე
- ↑ ბერჟეს უფსკრული. ვერკორის კარსტული პლატო. დაარქივებულია ორიგინალიდან — 2012-07-24. ციტირების თარიღი: 2012-07-24.
- ↑ ბერჟეს უფსკრული. ისტორიული ნარკვევები