ზაზა ჯანაშია

ზაზა ჯანაშია

პირადი მონაცემები
სრული სახელი	ზაზა ზურაბის ძე ჯანაშია
დაბადების თარიღი	10 თებერვალი, 1976
დაბადების ადგილი	ზუგდიდი, საქართველოს სსრ
სიმაღლე	178 სმ
სათამაშო პოზიცია	თავდამსხმელი
პროფესიონალური კარიერა*
წლები	გუნდი	მატჩი	(გოლი)
1991–1993	ოდიში ზუგდიდი	59	(13)
1993–1994	შევარდენი-1906	30	(14)
1994–1995	სამტრედია	23	(17)
1996–2001	ლოკომოტივი მოსკოვი	145	(33)
2002	ლოკომოტივი თბილისი	22	(6)
2003	კოჩაელისპორი	3	(0)
2004	ბალტიკა	12	(3)
სულ		294	(86)
ეროვნული ნაკრები
1997–2001	საქართველო	9	(4)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ზაზა ჯანაშია (დ. 10 თებერვალი, 1976, ზუგდიდი) — ქართველი ფეხბურთელი, თამაშობდა თავდამსხმელის პოზიციაზე. 1999 წელს გახდა საქართველოს წლის ფეხბურთელი. 1997–2001 წლებში იცავდა საქართველოს ეროვნული ნაკრების ღირსებას.

საკლუბო კარიერა

1991 წლის 30 აგვისტოს ზუგდიდის „ოდიშის“ რიგებში თამაშისას, 15 წლის ჯანაშიამ გოლი გაუტანა ვანის „სულორს“. ამით ის გახდა ერთ-ერთი იმ იშვიათ ფეხბურთელთაგანი, რომელთაც რეკორდულად მცირე ასაკში აქვთ გოლი გატანილი.

საკლუბო კარიერის საუკეთესო წლები გაატარა მოსკოვის „ლოკომოტივში“, როდესაც ამ კლუბს წვრთნიდა იური სიომინი. ჯანაშია კლუბთან ერთად ოთხჯერ გახდა რუსეთის საფეხბურთო თასის გამარჯვებული. „ლოკომოტივში“ თამაშის დროს, 1999 წელს ჯანაშია გახდა საქართველოს წლის ფეხბურთელი. კარიერის ბოლოს თამაშობდა თურქულ კლუბ „კოჩაელისპორსა“ და კალინინგრადის „ბალტიკაში“. კარიერა დაასრულა 2004 წელს.

სანაკრებო კარიერა

1993 წლიდან იცავდა საქართველოს სხვადასხვა ასაკობრივ ნაკრებთა ღირსებას. რაც შეეხება საქართველოს ეროვნულ ნაკრებს, მისი დებიუტი ეროვნულ გუნდში 1997 წლის 7 ივნისს, მსოფლიო ჩემპიონატის შესარჩევი ეტაპის ფარგლებში, მოლდოვის ეროვნული ნაკრების წინააღმდეგ შედგა. ჯანაშია შეხვედრის 84-ე წუთზე თემურ ქეცბაიას ნაცლად შემოვიდა მოედანზე. მატჩი ბათუმში გაიმართა და მასპინძელთა გამარჯვებით 2–0 დასრულდა. ბურთები შოთა არველაძემ და გიორგი ქინქლაძემ გაიტანეს.^[1] ეს იყო ერთადერთი შეხვედრა რომელიც ჯანაშიამ 1997 წელს ეროვნულ ნაკრებში ჩაატარა.

თავისი პირველი გოლი ეროვნული ნაკრების მაისურით, თბილისში გამართულ საერთაშორისო ამხანაგურ შეხვედრაში, რუსეთის ეროვნული ნაკრების წინააღმდეგ 1998 წლის 30 მაისს გაიტანა. შეხვედრა ფრედ, ანგარიშით 1–1 დასრულდა.^[2]

ეროვნული ნაკრების რიგებში უკანასკნელად 2001 წლის 28 მარტს მსოფლიო ჩემპიონატის შესარჩევი ეტაპის ფარგლებში, რუმინეთის ეროვნული ნაკრების წინააღმდეგ ითამაშა. მატჩი თბილისში გაიმართა და სტუმართა გამარჯვებით 2–0 დასრულდა.^[3]

საერთო ჯამში, 1997–2001 წლებში ჩატარებულ ცხრა სანაკრებო შეხვედრაში 4 ბურთი გაიტანა: რუსეთის, სლოვენიის, ნორვეგიისა და სომხეთის ეროვნულ ნაკრებთა კარებში.^[4]

სანაკრებო სტატისტიკა

ეროვნული ნაკრები	წელი	მატჩი	გოლი
საქართველო	1997	1	0
	1998	2	1
	1999	2	2
	2000	3	1
	2001	1	0
ჯამში		9	4

სანაკრებო მატჩები და გოლები

№	თარიღი	შეხვედრის ადგილი	მასპინძელი	ანგ.	სტუმარი	შეჯიბრება	გოლები	შენიშვნა	წყარო
1	07.06.1997	ბათუმი	საქართველო	2–0	მოლდოვა	მსოფ. შეს.		84'	[5]
2	30.05.1998	თბილისი	საქართველო	1–1	რუსეთი	ამხანაგური	19'	71'	[6]
3	05.09.1998	თბილისი	საქართველო	1–0	ალბანეთი	ევრ. შეს.		54' 80'	[7]
4	27.03.1999	თბილისი	საქართველო	1–1	სლოვენია	ევრ. შეს.	42'		[8]
5	28.04.1999	თბილისი	საქართველო	1–4	ნორვეგია	ევრ. შეს.	57'		[9]
6	02.02.2000	ლარნაკა	სლოვაკეთი	0–2	საქართველო	ამხანაგური		55'[ა]	[10]
7	04.02.2000	ლარნაკა	რუმინეთი	1–1	საქართველო	ამხანაგური		46'[ბ]	[11]
8	06.02.2000	ლარნაკა	საქართველო	2–1	სომხეთი	ამხანაგური	7'	46'[გ]	[12]
9	28.03.2001	თბილისი	საქართველო	0–2	რუმინეთი	მსოფ. შეს.		52'	[13]

1. კვიპროსის საერთაშორისო ამხანაგური ტურნირი
2. კვიპროსის საერთაშორისო ამხანაგური ტურნირი
3. კვიპროსის საერთაშორისო ამხანაგური ტურნირი

მიღწევები

საკლუბო

ლოკომოტივი მოსკოვი

• რუსეთის თასი: 1996, 1997, 2000, 2001
• რუსეთის ვიცე-ჩემპიონი: 1999, 2000, 2001

ინდივიდუალური

• საქართველოს წლის ფეხბურთელი: 1999
• საქართველოს საუკეთესო ფეხბურთელი „სარბიელის“ ვერსიით: 1998–99^[14]
• რუსეთის ჩემპიონატის 33 საუკეთესო ფეხბურთელის სიაში: 1998 (№2), 1999 (№2)
• მოსკოვის „ლოკომოტივის“ საუკეთესო ბომბარდირი: 1998 (ა. ბოროდიუკთან ერთად)

ფაქტები

2020 წლის თებერვალში მოსკოვის „ლოკომოტივის“ გულშემატკივრებმა შეადგინეს გუნდის ყველა დროის სიმბოლური ნაკრები, რომელშიც თითო ქვეყნიდან მხოლოდ თითო ფეხბურთელი მოხვდა. ქართველთაგან ეს პატივი ზაზა ჯანაშიას ერგო, ვინც 1996–2001 წლებში თამაშობდა ამ კლუბში და ერთ-ერთი საუკეთესო იყო მოსკოვის „ლოკომოტივის“ ყველა დროის ლეგიონერებს შორის.^[15]

რესურსები ინტერნეტში

თემატური საიტები
EU-Football.info · FBref.com · FootballDatabase.eu · FootballFacts.ru · National Football Teams.com · Transfermarkt · TFF · UEFA

მედია
1tv.ge · Lelo.ge

სქოლიო

1. Georgia 2–0 Moldova / FIFA World Cup qualifier // 07.06.1997
2. Georgia 1–1 Russia / International Friendly // 30.05.1998
3. Georgia 0–2 Romania / FIFA World Cup qualifier // 28.03.2001
4. Zaza Janashia's international caps // EU-football.info
5. Грузия 2–0 Молдавия / Чемпионат мира. Отборочный турнир 1998
6. Грузия 1–1 Россия / Товарищеский матч сборных (А) 1998
7. Грузия 1–0 Албания / Чемпионат Европы. Отборочный турнир 2000
8. Грузия 1–1 Словения / Чемп. Европы. Отборочный турнир 2000
9. Грузия 1–4 Норвегия / Чемп. Европы. Отборочный турнир 2000
10. Словакия 0–2 Грузия / Товарищеский матч сборных (А) 2000
11. Румыния 1–1 Грузия / Товарищеский матч сборных (А) 2000
12. Грузия 2–1 Армения / Товарищеский матч сборных (А) 2000
13. Грузия 0–2 Румыния / Чемпионат мира. Отборочный турнир 2002
14. სარბიელის გამოკითხვა // „სარბიელი“, 11.06.1999, № 108 (881), გვ. 4.
15. ქართველთაგან ეს პატივი ზაზა ჯანაშიას ერგო // lelo.ge