მალტის სახელმწიფო (მალტ. Stat ta’ Malta), რომელიც საზოგადოებრივად ცნობილია როგორც მალტა, არსებობდა 1964 წლის 21 სექტემბრიდან 1974 წლის 13 დეკემბრამდე. ის წარმოადგენს დღევანდელი მალტის რესპუბლიკის წინამორბედს.
მალტის გვირგვინის კოლონია დამოუკიდებელი გახდა მალტის დამოუკიდებლობის აქტის (c. 86) საფუძველზე, რომელიც მიიღო ბრიტანეთის პარლამენტმა. ახალი მალტის კონსტიტუცია, რომელიც დამტკიცდა იმავე წლის მაისში ჩატარებული 1964 წლის მალტის კონსტიტუციური რეფერენდუმის შედეგად, მალტის დედოფლად გამოაცხადა ელიზაბედ II. კონსტიტუციური უფლებამოსილებები გადაეცა გენერალ-გუბერნატორს. 1964-1974 წლებში ელიზაბედ II მალტას ესტუმრა ერთხელ — 1967 წლის ნოემბერში.
მალტაში 1964-1974 წლებში გენერალ-გუბერნატორის თანამდებობას იკავებდნენ შემდეგი პირები:
მალტის სახელმწიფოს პრემიერ-მინისტრის (და მთავრობის ხელმძღვანელის) თანამდებობა ამ პერიოდში ეკავათ შემდეგ პოლიტიკოსებს:
1974 წლის 13 დეკემბერს, დომ მინტოფის ხელმძღვანელობით მმართველმა ლეიბორისტულმა პარტიამ განახორციელა კონსტიტუციური ცვლილებები, რის შედეგადაც გაუქმდა მონარქია და მალტა გაწევრდა რესპუბლიკურ თანამეგობრობაში. სახელმწიფოს მეთაურის ფუნქცია გადაეცა პარლამენტის მიერ დანიშნულ პრეზიდენტს. ბოლო გენერალ-გუბერნატორი, სერ ენტონი მამო, დაინიშნა მალტის პირველ პრეზიდენტად.
კოორდინატები: 35°53′ ჩ. გ. 14°27′ ა. გ. / 35.883° ჩ. გ. 14.450° ა. გ.