რეზოლუტის მერხი

ბარაკ ობამა ზის რეზოლუტის მერხთან, 2009 წელი

რეზოლუტის მერხი — მეცხრამეტე საუკუნის პარტნიორობის მაგიდა. მაგიდა თეთრ სახლში, ოვალურ კაბინეტში, რომელსაც შეერთებული შტატების პრეზიდენტები იყენებდნენ. მაგიდა 1880 წელს დედოფალმა ვიქტორიამ საჩუქრად გადასცა პრეზიდენტ რეზერფორდ ბ. ჰეიესს, რომელიც დამზადდა ბრიტანული არქტიკული საძიებო გემის HMS Resolute-ის მუხის ხისგან. 1300 ფაუნდის (590 კილოგრამიანი) სამუშაო მაგიდა შექმნა უილიამ ევენდენმა, კენტში მდებარე Chatham Dockyard-ის დახელოვნებულმა ხელოსანმა, სავარაუდოდ მორანტის, ბოიდის და ბლანფორდის დიზაინიდან. სამუშაო მაგიდა ორჯერ შეიცვალა, 1945 წელს დაემატა მუხლის ხვრელი, ხოლო 1961 წელს სამუშაო მაგიდას დაემატა 2 დიუმიანი (5,1 სმ) პლინტი.

HMS Resolute მიატოვეს არქტიკაში სერ ჯონ ფრანკლინისა და მისი დაკარგული ექსპედიციის ძებნისას. გემი 1855 წელს იპოვა ჯორჯ ჰენრიმ, ვეშაპზე მონადირე გემით, შეაკეთა და დააბრუნა გაერთიანებულ სამეფოში, როგორც შეერთებული შტატეების მიერ კეთილი ნების გამოხატვის ჟესტი. გემი 1879 წელს დაშალეს და მისი ხის მასალისგან ააშენეს სამი მაგიდა. დედოფალმა ვიქტორიამ ერთ-ერთი ასეთი მაგიდა გაუგზავნა ამერიკის პრეზიდენტს რეზერფორდ ბ. ჰეისს. რეზოლუტის მერხი მიიღეს თეთრ სახლში 1880 წლის 23 ნოემბერს და გამოიყენებოდა ოვალურ კაბინეტში პრეზიდენტის სამუშაო მაგიდად. რეკონსტრუქციის შემდეგ იგი განთავსდა სამაუწყებლო ოთახში, სადაც დუაიტ ეიზენჰაუერი იყენებდა მას რადიო და სატელევიზიო გადაცემების დროს. 1961 წელს ჟაკლინ კენედიმ ხელახლა აღმოაჩინა მერხი და მიიტანა ოვალურ კაბინეტში. ჯონ კენედის მკვლელობის შემდეგ მაგიდა თეთრი სახლიდან წაიღეს და კენედის საპრეზიდენტო ბიბლიოთეკაში განათავსეს. პრეზიდენტმა ჯიმი კარტერმა მაგიდა 1977 წელს დააბრუნა თეთრ სახლში, სადაც ის დღემდე დგას.

ლიტერატურა

[რედაქტირება | წყაროს რედაქტირება]
  • Abbott, James A., and Elaine M. Rice. Designing Camelot: The Kennedy White House Restoration. Van Nostrand Reinhold: 1998. ISBN 0-442-02532-7.
  • Matthews, Elizabeth. HMS Resolute. Auxilium ab Alto Press: 2007. ISBN 978-0-7552-0396-3.
  • Owen, Roderic. The Fate of Franklin. Hutchinson: 1978. ISBN 0-09-131190-X.
  • Seale, William. The White House: The History of an American Idea. White House Historical Association: 1992, 2001. ISBN 0-912308-85-0.
  • Wolff, Perry. A tour of the White House with Mrs. John F. Kennedy. Doubleday: 1962.OCLC 6800644