ულაფ დუუნი | |
---|---|
ნორვ. Olav Duun | |
დაბადების თარიღი | 21 ნოემბერი, 1876[1] [2] [3] [4] [5] [6] [7] [8] |
დაბადების ადგილი | Jøa |
გარდაცვალების თარიღი | 13 სექტემბერი, 1939[9] [3] [4] [5] [2] [6] [7] [8] (62 წლის) |
გარდაცვალების ადგილი | Holmestrand |
საქმიანობა | ავტორი[7] , მასწავლებელი და მწერალი |
ენა | ნიუნორსკი |
მოქალაქეობა | ნორვეგია |
Magnum opus | Medmenneske და The People of Juvik |
ჯილდოები | Gyldendal's Endowment |
საიტი | olav-duun.no |
ულაფ დუუნი (ნორვ. Olav Duun; დ. 21 ნოემბერი, 1876 ― გ. 13 სექტემბერი, 1939) ― ნორვეგიელი მწერალი. მიჩნეულია ნორვეგიული ლიტერატურის ერთ-ერთ ყველაზე თვალსაჩინო წარმომადგენლად. 14 წლის მანძილზე 24-ჯერ იყო წარდგენილი ნობელის პრემიაზე[10] და ერთხელ ლიტერატურაში ნობელის პრემიის მოპოვებამდე 1 ხმა დააკლდა.[11][12]
დუუნი კუნძულ იეაზე, იტრე ნამდალის რაიონში დაიბადა, რომელიც ნურ-ტრენდელაგის საგრაფოს ფუსნესის მუნიციპალიტეტს მიეკუთვნებოდა. ნამდვილი სახელი და გვარია ულე იოჰანსენ რააბი. დუუნი რვა დედმამიშვილიდან უფროსი იყო. ბავშვობის პერიოდში ულაფის ოჯახი რამდენიმე ფერმაში ცხოვრობდა, რომელთაგან ბოლო დუუნი იყო. გვარად დუუნი კუნძული დატოვების შემდეგ მიიღო, როცა მასწავლებლობა გადაწყვიტა.
სწავლობდა ტრენდელაგის საჯარო სკოლაში. 1901 წელს სკოლის მასწავლებლის პოზიცია დაიკავა ლევანგერის მუნიციპალიტეტში.