Николай Александрович Скворцов

	Николай Александрович Скворцов;
Лауазымы
	Қазақстан Компартиясы Орталық Комитетінің Бірінші хатшысы
	Қазақстан Компартиясы Орталық Комитетінің Бірінші хатшысы
1937 жыл — 1945
Ізашары	Левон Исаевич Мирзоян
Ізбасары	Геннадий Андреевич Борков
Өмірбаяны
Дүниеге келуі	14 қазан 1899 ; Астрахань облысы
Қайтыс болуы	15 ақпан 1974 (74 жас); Мәскеу
	өңдеу

Николай Александрович Скворцов (14 қазан 1899, Астрахань облысы – 15 ақпан 1974, Мәскеу) – саяси қайраткер. Қазақстан Коммунистік партиясы ОК-нің 1-хатшысы.

Өмірбаяны

Мәскеу жоспарлау комитеті жанындағы жоғары экономиялық курсты бітірген (1959).
1917 – 22 жылдары Қызыл гвардия қатарына кіріп, кеңес өкіметін орнатуға белсене қатысты.
1922 – 33 жылдары Астрахань, Ростов облыстарында жауапты партия, кеңес қызметтерінде болды.
1933 – 38 жылдары БК(б)П ОК аппаратында істеді.
1938 – 45 жылдары Қазақстан Коммунистік партиясы ОК-нің 1-хатшысы болды. Скворцовтың билігі кезінде Қазақстанды кеңестендіру одан әрі күшейді. Соғыс басталысымен республикаға қуғынға ұшыраған ұлт өкілдері көшіріліп әкелінді (қысқаша Депортация). Мәдениет пен өнер саласында біраз шұғыл шаралар жүзеге асырылды. Қазақ әндері мен музыкасы түгелге жуық нотаға түсіріліп, Қазақ мемлекеттік филармонияда симфониялық оркестр, хор капелласы ашылды. Ұлттық музыканттарды Мәскеу, Ленинград консерваторияларында, ГИТИС-те оқыту ұйымдастырылды. Ұсақ елді мекендер ірілендіріліп, ұжымшарлар біріктірілді. 2047 км темір жол салынып, қысқа мерзімде Ақмола – Қарталы жолы іске қосылды. Соғыс кезінде ұрлыққа қарсы қатаң күрес жүргізілді.
1945 – 53 жлдары КСРО техникалық дақылдар министрі, КСРО кеңшарлар министрі
1953 – 66 жылдары КСРО Тамақ өнеркәсібі минстрінің жауапты қызметкері болып істеді.
1966 жылы зейнет демалысына шықты.

Марапаттары

2 рет Ленин орденімен
1-дәрежелі Отан соғысы
Еңбек Қызыл Ту
“Құрмет белгісі” ордендерімен, медальдармен марапатталған.^[1]

Дереккөздер

↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том

[1] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том

[1]