Ivor Kobina Greenstreet

human
Sex or gender	male
Country of citizenship	Ghana
Given name	Ivor
Date of birth	31 Sigsaa/Nwadisayuobʋ 1966
Place of birth	Accra
Languages spoken, written or signed	English
Occupation	politician, lawyer
Member of political party	Convention People's Party
Candidacy in election	2016 Ghanaian presidential election

Ivor Kobina Greenstreet, dʋ’am dabisir anɛ yʋʋm tusa kɔbis wai nɛ pisyuobu nɛ ayuobu, nwadisa anu la ni, dabisa pistan’ nɛ yinne (31 May 1966)^[1]. O anԑ na’am nya’ad Ghana sʋ’ʋlim ka lԑn an kɔɔtɔ tʋmtʋm (lawyer). Onԑ da lieb na’adɔɔg kanɛ buon Convention People's Party (CPP) la tuongat, da nya’a na’am yʋʋm tusa ayi’ nɛ pisi na’am,nya’ab saŋa la ni (2020 Ghanaian general election)^[2]^[3]

On sin’iŋ si’em nԑ o sakur yԑla

Ivor da paas nɛ o saam biis anaasi ni, abʋatan’ ni, ka o dʋ’am dabisir anɛ yʋʋm tusa, kɔbis wai nɛ pisyuobu nɛ ayuobu, nwadis anu la ni, dabisa pistan’ nɛ yinne (31 May 1966)^[4], asibiti kanɛ ka ba buon ye Korle-Bu Teaching Hospital, Accra sʋ’ʋlim. O saam nɛ o ma anɛ Prof. Dennis Greenstreet nɛ Miranda Greenstreet, O da anɛ pa’an-pa’an University of Ghana,ka kɛŋ tuoni da lɛn an kpɛɛm yinne tis nɛ Coalition of Domestic Election Observers (CODEO).

O pʋ’a anɛ Ghana zugraan kʋdʋg nya’andɔl kanɛ dig o nʋ’ʋg zug ka ba buon o Vice President kʋdʋg Kow Arkaah, onԑ mɛ da an kɔɔtɔ tʋntʋn. Ba mɔr biis atan’; dasaŋ yinne nɛ pʋ’asada ayi’.^[5]

O yitnɛ Ga-Mashie Accra sʋ’ʋlim.^[6] O da pin’il o sakur kɛnnɛ Ghana sʋ’ʋlim, O mɛ lԑn anɛ onԑ mɔr pɛbisim la’adi lugid ku’om wʋʋ ziŋ nɛ (Scuba diver), onԑ da an yiiga daani an ninsabilis tɛŋ nidi da paasi nya’a nɛ dunia dim diem kanɛ an a-iank nɛ pɛbisim naani agɔli signa yiiga diema la (parachuting event), o mɛ lɛn anɛ banɛ gɔsid malifʋ nam yɛla Ghana sʋ’ʋlim ka ba buoni ba ye Ghana National Rifle Association la^[7]. O da kɛŋ tɛŋ kanɛ buon UK ye o zamis wada yela. On da naae o zamisʋk la, o da nyɛ tʋʋma Middle Temple nɛ Ghana Bar kɔɔtɔ tʋʋma^[8]. Yʋʋm tusa kɔbʋs wai nɛ piswai nɛ ayɔpɔi (1997) la ni, o da paam sapʋ’ad bԑ sour kanɛ an Tema Motorway, ka li pɔn’ɔlim o ti paae zina ka o nan zin’i pɔn’ɔr kɛ’kɛ ni la.^[9]^[10]

Tʋʋma pin’ilʋg

Ivor tʋmnɛ lawyer tʋʋma ka lɛn an onԑ sɔbid gbana.^[11]^[12]^[13]

O nyɛ kɔɔtɔ ni tʋʋma linɛ an Ghana Bar nɛ English Bar (Inner Temple).

Pͻlitis

O anɛ na’a,nya’ad kanɛ mɔr bɔɔdim kati waae nidib yɔlisim nɛ ba nyali’ yɛla li kaskas anɛ dasam nɛ pʋ’asada nɛ pʋ’ab nɛ banɛ pʋ,mɔraa bɛɛ nɔŋ dim. Yɛlkpana banɛ ka o gban’e nɛ o nʋ’ʋs ayi’ anɛ o tʋm o tʋʋma nɛ nimmua ka lɛn gɔsid ninsabilis yɔlisim yɛla nɛ tɛŋgbaʋŋ nɔbigir yela.^[14]

Convention People's Party

O da anɛ niŋkpi’eŋi paas People's Convention Party (PCP) na’adɔɔg la ni nɛ o na’adɔɔg la daa ti nͻki ba mɛŋi la’as nɛ na’adɔɔg kanɛ an NCP yʋ’ʋn kilim CPP yʋm tusa kɔbʋs wai nɛ piswai nɛ ayuobu la ni (1996). O da tʋm tʋʋma bԑdԑgʋ CPP ni. Yʋʋm tusa ayi’ nɛ anaasi la ni (2004), o na’adɔɔg dim da gaŋʋ o ye o an wada maan tis Ayawaso West Wuogon constituency nya’a na’am yʋʋm tusa ayi’ nɛ anaasi la ni votʋʋg la (2004 Ghanaian general election) linɛ ka o da kɔ’ɔŋ ka Akosua Frema Osei-Opare onԑ da an NPP na’adɔɔg nid, da di’ la. Onԑ da an na’adɔɔg kanɛ buon CPP la nii da di na’am, an ba gbaʋŋ sɔbid nɔɔr ayi’ yʋʋm tusa ayi’ nɛ ayɔpɔi la, nɛ tusa ayi’ nɛ piiga nɛ yinne la ni (2007 and 2011)^[15]. O anɛ onԑ mɔr pɛbisim la’adi lubid kuom wʋʋ ziŋ nɛ (Scuba diver), onԑ da an yiiga daani an ninsabilis tɛŋ nidi da paasi nya’a nɛ dunia dim diem kanɛ an a-iank nɛ pɛbisim naani agɔli signa yiiga diema la (parachuting event), o mɛ lɛn anɛ banɛ gɔsid malifʋ nam yɛla Ghana sʋ’ʋlim ka ba buoni ba ye Ghana National Rifle Association la (GNRA).

2016 zuraan nya’ab

Yʋʋm tusa ayi’ nɛ piiga nɛ ayuobu, pin’ilig nwadig la (January 2016), o da nya’a na’am nɛ o taaba na’adɔɔg kanɛ buon CPP la zugraan ka da di ya’an, bozugo banɛ da vͻͻti tis o la da anɛ nidib tusa kɔbʋsyi’ nɛ pisnii nɛ anii (1,288 votes), ka lin da anɛ pisyuobu nɛ anaasi nɛ pʋdigir ayi’ (64.2%), kɔbʋga pʋʋgin, ka onԑ daa nya’a nɛ o ka o yʋʋr buon Samia Nkrumah, onԑ an Ghana yiiga zugraan kudug ka o yʋ’ʋr buon Kwame Nkrumah po’ayua, da nyɛ nidib biela ka ba tɔn’ tis o, nidib kɔbʋs nu nɛ pisyɔpɔi nɛ awai ma’a (579 votes)^[16]^[17]. O ya’an la da kɛ ka o an yiiga sɔb Ghana sʋ’ʋlim nya’a gɔmena zugraan na’am ka mɔr wintadimis^[18]. Onԑ da an na’adɔɔg kanɛ buon (CPP) la kpɛɛm nya’ na’am yʋʋm tusa ayi’ nɛ piiga nɛ ayuobu (2016 Ghanaian general election). O da kɔ’ɔŋ na’am la, bɔzugo, nidib tusa pisinɛ anu nԑ kɔbʋsnu nɛ pisnu nɛ ayi’ (25,552 votes), ka lin anɛ kɔbʋga pʋʋgin anɛ zaalim nɛ pʋdigir pisi nɛ anaasi (0.24%) ka Nana Akufo-Addo da di’ ya’an.^[19]

2020 zuraan nya’ab

Na’adɔɔg kanɛ buon Convention People's Party (CPP) da len gaŋ o ye o an ba tuongat yʋʋm tusa sayi’ nɛ pisi la ni na’am nya’ab saŋa la (2020 general elections)^[20]. Yʋʋm kan nwadis piiga la ni (October 2020) ka o da gaŋ Professor Emmanuel Bobobe ka o an o nya’andol^[21].

Gbanvɛɛnsa

[1] ttps://www.graphic.com.gh/news/politics/ivor-greenstreet-is-fit-for-president-cpp.html

[2] ttps://www.myjoyonline.com/news/politics/ghana-needs-the-cpp-desperately-greenstreet/

[3] ttps://web.archive.org/web/20201031135545/https://www.ghanaweb.com/GhanaHomePage/ghanaelection2016/candidate_ivor_kobina_greenstreet.php

[4] ttps://www.graphic.com.gh/news/politics/ivor-greenstreet-is-fit-for-president-cpp.html

[5] ttps://www.ghlinks.com.gh/ivor-greenstreet-biography-age-education/

[6] ttps://www.myjoyonline.com/news/ivor-greenstreet-celebrates-50th-birthday/

[7] ttps://www.ivorgreenstreet.org/about

[8] ttps://www.peacefmonline.com/pages/politics/politics/201601/268487.php

[9] ttps://web.archive.org/web/20201202055808/https://yfmghana.com/ivor-greenstreet-shares-the-story-of-his-life-changing-accident/

[10] ttps://www.ivorgreenstreet.org/about

[11] ttp://www.ghanaweb.com/GhanaHomePage/NewsArchive/Who-is-Ivor-Greenstreet-411886

[12] ttp://ghanapoliticsonline.com/ivor-greenstreet-floors-samia-to-become-cpp-flagbearer/

[13] ttp://citifmonline.com/2016/01/31/ndc-commends-cpps-greenstreet-despite-his-criticism-of-mahama/

[14] ttps://www.ivorgreenstreet.org/about

[15] ttps://www.ghanaweb.com/person/Ivor-Kobina-Greenstreet-1920

[16] ttps://www.myjoyonline.com/news/ivor-greenstreet-wins-at-cpp-congress-to-lead-party-in-november-presidential-polls/

[17] ttps://www.graphic.com.gh/news/general-news/cpp-elects-presidential-candidate-today-for-election-2016.html

[18] ttps://www.africanews.com/2016/11/12/ghana-s-unique-presidential-aspirant/

[19] ttp://ghanaelections.peacefmonline.com/pages/2016/

[20] ttps://newsghana.com.gh/profile-mr-greenstreet-cpp-election-2020-presidential-candidate/

[21] ttps://www.myjoyonline.com/news/politics/cpps-ivor-greenstreet-selects-prof-emmanuel-bobobe-as-running-mate/

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]