Kesva an Taves Kernewek

Kesva an Taves Kernewek a veu fondys yn 1967 gans an Orsedh ha'n Kuntellesow Kernow Goth rag avonsya an yeth Kernewek ow tewlel towl yeth ha menystra apposyansow. Yn 1987, an Gesva a dhegemmeras Kernewek Kemmyn avel hy furv yeth soedhogel, mes hi a wra hwath usya Kernewek Unys rag apponsyansow ha gwertha lyvrow koth skrifys yn KU.

Yma 21 esel a'n Gesva, y'ga mysk:

• pymthek dewisys gans eseleth Kowethas an Yeth Kernewek
• dew a'n Orsedh
• dew a'n Kuntelessow Kernow Goth
• onan a Bennskol Aberplymm, hag
• onan a Gonsel Kernow

An Gesva a rester apposyansow y'n yeth pub blydhen. An ughella gradh y'n apposyansow yw an peswara gradh, ha synsys ynno galloes y'n yeth, istori an yeth, ha lyenn hengovek hag arnowydh kernewek. Nebes tus hag a sewenas y'n peswara gradh, ha wosa bos kommendys dhe Gonsel an Orsedh, re beu degemmerys yn-mysk berdh an Orsedh "dres apposyans yn taves kernewek". Hy skorenn eseleth werin yw Kowethas an Yeth Kernewek.

Yma'n Gesva ow resseva grontys arghansek dhiworth Konsel Kernow, an Unyans Europek, Fondyans Dug Kernow, h.e.

Kowethas an Yeth Kernewek yw hy bagas a eseleth efan.

Bagasow hevelep

• Agan Tavas (rag Kernewek Unys)
• Cussel an Tavas Kernuack (rag Kernuack Nowedga)

Porth Kernow – Tre rag folennow ha klassys Wikipedya a-dro dhe Gernow.