Alanus Petrus Cayetano

Alanus Petrus Cayetano, vulgo plene Alan Peter Schramm Cayetano (in oppido Taguig natus die 28 Octobris 1970) est politicus Philippinarum.

Alumnus universitatis Philippinarum et scholae iuridicae Athenaei Manilensis, Cayetano e familia politicorum ortus est, patre senatore, sorore natu maiore olim senatrice hodieque legata populi; uxor etenim praefecta urbi natali meret. Ipse legatus populi a die 30 Iunii 1998, deinde senator est a die 30 Iunii 2007. Dux minoritatis senatoriae die 26 Iulii 2010 atque dux maioritatis die 23 Iulii 2013 factus est. Candidatus est ad officium praesidis vicarii anno 2016, malo successu, collegá nihilominus Roderico Duterte, qui officium praesidis petiverat, victore. A quo die 10 Maii 2017 Cayetano ad munus secretarii rerum externarum convocatus est, loco ad interim tento a Perfecto Yasay et Henrico Manalo.

Bibliographia

Rome Jorge, "Sen. Pia Cayetano: the independent" in Sunday Times (Manila) (12 Aprilis 2009) [de sorore et familia]

Nexus externi

"Senator Alan Peter "Compañero" S. Cayetano" pagina olim a senatu Philippinarum divulgata
Eimor P. Santos, "Duterte appoints Cayetano as DFA chief" (10 Maii 2017) apud CNN Philippines

Secretarii rerum externarum Philippinenses


Elpidius Quirino 1946 • Ioachim Michael Elizalde 1948 • Carolus P. Romulo 1950 • Ioachim Michael Elizalde 1952 • Carolus P. Garcia 1953 • Felixberto M. Serrano 1957 • Emmanuel Pelaez 1961 • Salvator P. López 1963 • Carolus P. Romulo 1963 • Maurus Mendez 1964 • Narcissus Ramos 1965 • Carolus P. Romulo 1968 • Manuel Collantes 1984 • Arthurus M. Tolentino 1984 • Pacificus A. Castro 1985 • Salvator Laurel 1986 • Manuel Yan 1987 • Radulphus S. Manglapus 1987 • Robertus Romulo 1992 • Dominicus Siazon 1995 • Teofisto Guingona 2001 • Blas Ople 2002 • Franklin Ebdalin 2003 • Delia Albert 2003 • Albertus Romulo 2004 • Albertus del Rosario 2011 • Alanus Petrus Cayetano 2017 • Theodorus Locsin 2018 Opus geopoliticum • Ministri a rebus externis civitatum Asiaticarum hodiernarum Capsae cognatae: Praesides Philippinarum