Muradus

Muradus
Muradus I, sultanus Ottomanicus
Genus	Masculinum
Origo	Arabica
Significatio	"desiderius"
Index praenominum Paginae in "Muradus" ineuntes

Muradus^[1] sive Amorathes^[2] (vel etiam Amurathes, Amurates, Amurathus)^[3] est praenomen masculinum, quod variis in linguis invenitur. Etiam nomen gentile esse potest.

Significatio

Nomen Muradus e Lingua Arabica deductum est (مراد, Murād) et desiderium signficat.^[4] Ut multa alia nomina Arabica etiam in aliis linguis (Turcica, Persica etc.) in usu est.

Modus nominis scribendi in linguis, quae abecedario Arabico non iam utuntur, variare potest. Cum linguae Turcicae sit obduratio sonorum finalium, nomen hodie litteris Latinis Murat scribitur. Ubi lingua Francogallica praevalet (sive praevalebat), etiam forma Mourad invenitur.

Forma Latina Amorathes (et similia) est nomen Murād, cui articulus Arabicus praefixus est.

Homines noti

Nomen gentile

• Ferid Murad^(en) (natus 1936), medicus Civitatum Foederatarum Americae, anno 1998 Praemio Nobeliano physiologiae et medicinae ornatus
• Nadia Murad

Sultani Ottomanici

• Muradus I, (1319?-1389)
• Muradus II, (1403?-1451)
• Muradus III, (1546–1595)
• Muradus IV, (1610/11-1640)
• Muradus V^(tr), (1840–1904)

Alii homines noti

• Franciscus de Werner^(de) alias Murad Efendi (1836–1881), legatus Austriacus, qui se ad Religionem Islamicam convertit
• Iosephus Bem^(pl) (1795–1850) alias Amurat (Murat) Pascha, magister militum polonicus-hungaricus revolutionis anni 1848, qui se ad Religionem Islamicam convertit
• Mahometus Muradus Ildan (natus 1965), scriptor linguae Turcicae.
• Muradus Madalsī

Notae

1. Demetrii Principis Cantemirii Incrementorum et Decrementorum Aulae Othmanicae sive Aliothamicae Historiae.
2. De rebus Turcarum ad Franciscum Gallorum regem Christianiss. libri quinque (Parisiis 1540).
3. Militaris ordinis Iohannitarum . . . rerum memorabilium . . . usque 1581 annum Historia Nova Basileae 1581
4. Behind the Name, s.v. "Murad". (Anglice)