Via Agrippa

Réimerstroossen a Gallien

Mat Via Agrippa ("Agrippa-Strooss") si véier fir d'réimescht Militär ugeluechte Stroosse gemengt, déi ënnert dem Marcus Vipsanius Agrippa, Militärkommandant, Eedem vum Augustus a Prefekt vu Gallien, ugeluecht goufe fir Lugdunum (Lyon) mat anere Stied a Gallien zu verbannen:

  1. Agrippa-Strooss an d'Aquitaine: vu Lugdunum iwwer Augustonemetum (Clermont-Ferrand) a Lemovicum (Limoges) bis bei d'Mier op Mediolanum santonum (Saintes) a Burdigala (Bordeaux);
  2. Agrippa-Strooss op de Rhäin: vu Lugdunum d'Saône erop iwwer Matisco (Mâcon), Cabillonum (Chalon-sur-Saône), Dibio (Dijon), Langres (Langres), Noviomagus (Neufchâteau), Tullum (Toul), Divodurum (Metz), Vicus Ricciacus (bei Duelem) op Augusta Treverorum (Tréier). Vun do duerch d'Äifel via Beda (Bitburg), Ausava (Oos), Icorigium (Jünkerath), Marcomagus (Marmagen), Tolbiacum (Zülpich) op Colonia Claudia Ara Agrippinensium (Köln);
  3. Agrippa-Strooss op Boulogne-sur-Mer: Richtung Norden, dann iwwer Augustodunum (Autun), Autessiodurum (Auxerre), Augustobona (Troyes), Durocortorum (Reims), Samarobriva (Amiens) op Gesoriacum (Boulogne-sur-Mer)
  4. Agrippa-Strooss an d'Narbonner Géigend (Gallia narbonensis): Vu Lugdunum aus um lénksen Uwänner vum Rhône iwwer Vienna (Vienne), Valentia (Valence), Arausio (Orange) op Arelate (Arles), wou se sech mat der Via Aurelia kräizt.

Um Spaweck

[änneren | Quelltext änneren]
Commons: Via Agrippa – Biller, Videoen oder Audiodateien