Pictures from Italy

ZE
 Quésta pàgina a l'é scrîta in zenéize, segóndo a grafîa ofiçiâ
A pàgina do tìtolo inta prìmma ediçión do 1848.

Pictures from Italy (Inprescioîn d'Itàlia) o l'è 'n diâio de viâgio de Charles Dickens, scrîto into 1846. Segóndo quànte o l'è stæto dîto da-a scritrîxe Kate Flint o lìbbro o prezenta l'Itàlia in mòddo d'aregordâ o caràtere de l'outô, descrîta "cómme o spetàcolo caòtico de 'na lantèrna màgica, incantòu ségge da-e inmàgine ch'o òfre e da lê mæximo cómme spetatô"[1].

Contèsto

[modìfica | modìfica wikitèsto]

Into 1844, Dickens o prendiâ 'na pösa da-a scrîtûa de romànzi e pe squæxi 'n ànno o viâgiâ pe-a Frànsa e pe l'Itàlia co-a sò famìggia. Dòppo avéi vixitòu Parìggi, Lìon e Avignón, o scritô o l'ariviâ a Zêna, dónde o s'afermiâ pe quàrche ténpo. A quésto perîodo o l'è dedicòu tùtto 'n capìtolo do lìbbro (o quàrto, Genoa and Its Neighbourhood - Zêna e contórni), descrivéndo o sò sogiórno prìmma a Arbâ e pöi inta Vìlla de Peschêe.

Partîo da-a çitæ lìgure, Dickens o vixitiâ dónca A Spézza, Rómma, Nàpoli (co-o Vezùvio che a l'época o l'êa in grànde ativitæ), Firénse, Bològna e Venéçia.

Co-e sò inprescioîn in sciô viâgio contegnûe inte 'sto lìbbro chi, Dickens o rénde 'n quàddro da penîzoa caraterizòu da fòrti contràsti, particolarménte ciæi inte çitæ tra-e grandiôze costruçioîn e a dezolaçión urbâna, co-a vìtta de tùtti i giórni ch'a avegnîva a l'ónbra di antîghi monuménti. A colpî in mòddo particolâ l'inmaginaçión de l'outô a l'è però stæta a vìtta de stràdda da génte do pòsto, con particolâ atençión sorviatùtto a-i costùmmi, a-o popolìn, a-i zêughi e a-e fèste, cómme di spetàcoli tiatrâli ò o grànde carlevâ de Rómma.

Da-o lìbbro o se pêu dónca acapî cómme o scritô o foîse persónn-a matinê e gràn caminadô, dotâ de 'n'energîa e 'na coîxitæ sénsa fìn.

Capìtoli

[modìfica | modìfica wikitèsto]

O lìbbro Pictures from Italy o l'è sudivîzo tra quésti ùnze capìtoli, ciù o pròlogo:

  • The Reader's Passport
  • I. Going Through France
  • II. Lyons, The Rhone, and the Goblin of Avignon
  • III. Avignon to Genoa
  • IV. Genoa and Its Neighbourhood - tradûto in zenéize co-o tìtolo Zêna e contórni da-o Rìcco Carlìn into 2021
  • V. To Parma, Modena, and Bologna
  • VI. Through Bologna and Ferrara
  • VII. An Italian Dream
  • VIII. By Verona, Mantua, and Milan, Across the Pass of the Simplon into Switzerland
  • IX. To Rome by Pisa and Siena
  • X. Rome
  • XI. A Rapid Diorama

Nòtte

[modìfica | modìfica wikitèsto]
  1. ↑ (EN) Kate Flint, Dickens, Harvester Press, 1986, ISBN 0-710-80543-8.

Âtri progètti

[modìfica | modìfica wikitèsto]

Colegaménti estèrni

[modìfica | modìfica wikitèsto]