Djamaluddin Adinegoro | |
---|---|
Lahia | 14 Agustus 1904 |
Maningga | 8 Januari 1967 (umua 62) |
Kabangsaan | Indonesia |
Karojo | Sastrawan, wartawan |
Dikana dek | Parintis Pers Indonesia |
Pasangan | Alidas |
Urang tuo | - Usman gala Bagindo Chatib - Sadarijah |
Djamaluddin Adinegoro (lahia di Talawi, Sawahlunto, Sumatera Barat, 14 Agustus 1904 – maningga di Jakarta, 8 Januari 1967 pado umua 62 taun) adolah sastrawan sarato wartawan Indonesia. Baliau bapandidikan STOVIA (1918-1925) sarato pernah mampadalam pangetahuan manganai jurnalistik, geografi, kartografi, sarato jo geopolitik di Jerman jo Balando (1926-1930).
Namo asli baliau sabananyo bukan Adinegoro, malainkan Djamaluddin gala Datuak Maradjo Sutan.[1] Baliau adolah adiak dari sastrawan jo politisi tanamo, Mohammad Yamin. Kaduonyo sudaro satu bapak, tapi lain ibu. Ayah Adinegoro banamo Usman gala Bagindo Chatib jo ibunyo banamo Sadarijah, sadangkan namo ibu Muhammad Yamin adolah Rohimah. Baliau mampunyoi surang bini banamo Alidas nan barasa dari Sulit Air, X Koto Diatas, Solok, Sumatera Barat.
Pado taun 1974 Adinegoro dianugarahi gala Parintis Press Indonesia. Sarato Pasatuan Wartawan Indonesia (PWI) sabagai badan tatinggi insan press nasional, manyadioan tando pangaragoan tatinggi untuak karya jurnalistik tabaiak satiok taunnyo, iyolah Hadiah Adinegoro.[2]