Kemal Idris

Ahmad Kemal Idris
Lahia10 Februari 1923
Bendera Balando Singaraja, Bali, Hindia Balando
Maningga28 Juli 2010 (umua 87)
Bendera Indonesia Jakarta
KabangsaanBendera Indonesia Indonesia
KarojoTantara

Letjen. TNI (Purn.) Ahmad Kemal Idris (lahia di Singaraja, Bali, 10 Februari 1923 – maningga di Jakarta, 28 Juli 2010 pado umua 87 taun) adolah surang pajuang kamardekaan sarato tokoh tantara Indonesia. Baliau manjabat sabagai Pangkostrad pado taun 1967. Baliau-pun salah surang panandotangan Petisi 50.[1]

Karier tantara

[suntiang | suntiang sumber]

Karier tantara dimulai jo manjadi Seinendan pado zaman Japang.[2] Kudian, baliau bagabuang dalam satuan tantara Jawa Barat, Divisi Siliwangi.[3] Kemal Idris maajak bagabuang pulo Poncke Princen, opsir Balando untuak bagabuang jo Indonesia.[2]

Puncak karier tantaranyo dicapai katiko manjadi Pangkostrad pado taun 1967. Salamo manjadi Pangkostrad baliau baparan gadang dalam mandukuang garakan mahasiswa nan manantang Orde Lamo.[2] Kudian baliau manjabat Panglimo Komando Antardaerah untuak Kawasan Indonesia Timur. Karier tarakhia Kemal di tantara adolah Panglimo Komando Wilayah Patahanan (Pangkowilhan) jo pangkek letnan jenderal.[2]

Diplomat jo pangusaha

[suntiang | suntiang sumber]

Sasudah pansiun dari karier tantara, pado September 1972 baliau ditugehan untuak manjadi duta basa Indonesia untuak Yugoslavia marangkap untuak Yunani.[3] Sasudah itu baliau manjadi pangusaha lalu digalai "Jenderal Sampah", karano mangalola usaho pananggulangan sampah.[3] Kemal Idris giat pulo di Barisan Nasional (Barnas).[1]

Maningga

[suntiang | suntiang sumber]

Ahmad Kemal Idris maningga dunia pado pukua 03.30 WIB, 28 Juli 2010, karano komplikasi panyakik sarato infeksi paru-paru.[1][3] Baliau dimakaman sacaro tantara di Taman Makam Majelis Taklim Raudatus Salihin, Citapen, Bogor.[4]

Rujuak-an

[suntiang | suntiang sumber]
  1. ↑ a b c Tokoh Petisi 50 Letjen Purn Kemal Idris Meninggal Dunia, diakses pado 28 Juli 2010.
  2. ↑ a b c d Bertarung Dalam Revolusi Archived 2010-09-11 di Wayback Machine., diakses pado 28 Juli 2010.
  3. ↑ a b c d Mantan Pangkostrad Kemal Idris Wafat, diakses pado 28 Juli 2010.
  4. ↑ Kemal Idris Dimakamkan Secara Militer, diakses pado 28 Juli 2010.

Pautan lua

[suntiang | suntiang sumber]


  Artikel batopik biografi tokoh Indonesia ko baru babantuak rancangan. Sanak dapek mambantu Wikipedia mangambangannyo.