Vidi Aldiano

Infobox orangVidi Aldiano
Namo dalam bahaso usali(id) Vidi Aldiano Edit nilai pada Wikidata
Biografi
Lahia(id) Oxavia Aldiano Edit nilai pada Wikidata
29 Maret 1990 Edit nilai pada Wikidata (34 tahun (id) terjemahkan)
Daerah Kusuih Ibukota Jakarta Edit nilai pada Wikidata
Tinggi178 m Edit nilai pada Wikidata[convert: unknown unit]
Kagiatan
KarajoPanyanyi, seniman rekaman (id) Terjemahkan jo palakon Edit nilai pada Wikidata
Periode aktif2005 Edit nilai pada Wikidata –
GenreMusik pop (id) Terjemahkan Edit nilai pada Wikidata
Instrumen (id) TerjemahkanVokal (id) Terjemahkan Edit nilai pada Wikidata
Label rekaman (id) TerjemahkanTrinity Optima Production (id) Terjemahkan (2010–) Edit nilai pada Wikidata
Kaluarga
Pasangan hiduikSheila Dara Aisha (id) Terjemahkan Edit nilai pada Wikidata
Sanak saibu/sabapakVadi Akbar (id) Terjemahkan Edit nilai pada Wikidata
Laman webEdit nilai pada Wikidata Laman resmi (id) Terjemahkan
Facebook: VidiAldiano Edit nilai pada Wikidata Twitter: vidialdiano Edit nilai pada Wikidata Instagram: vidialdiano Edit nilai pada Wikidata Spotify: 4crs55NFrnArSpE78rohLS Edit nilai pada Wikidata Youtube: UCnBgzvne3WyXz_aBgWD9vCg Edit nilai pada Wikidata iTunes: 463995360 Edit nilai pada Wikidata Last fm: Vidi+Aldiano Edit nilai pada Wikidata Musicbrainz: 0cb0f71a-4095-4179-b3c6-44b4d90ec943 Edit nilai pada Wikidata

Oxavia Aldiano, BA, M.Sc, nan labiah dikana jo namo Vidi Aldiano (lahia 29 Maret 1990; umua 34 taun) adolah panyanyi, panulih lagu, aktor, jo presenter bakabangsaan Indonesia. Vidi alah mangaluaan sajumlah album, di antaronyo Pelangi di Malam Hari, Lelaki Pilihan jo Yang Kedua. Vidi pernah ikuik fastival Java Jazz 2005, sarato mambaoan lagu daur ulang bajudul Cinta Jangan Kau Pergi jo Nuansa Bening. Vidi Aldiano dipacayo dek mantan prasiden Susilo Bambang Yudhoyono untuak mambaoan lagu ciptaannyo nan bajudul "Jiwaku Terang di Malam Itu".

Maso ketek

[suntiang | suntiang sumber]

Vidi adolah anak paliang gadang dari tigo basudaro. Inyo tumbuah di kaluarga nan manyukoi musik. Apaknyo banamo Harry Aprianto Kissowo, saurang pangusaho speaker, sadang amaknyo banamo Besbarini, saurang guru piano.[1] Vidi mampunyoi darah Tionghoa jo Minangkabau. Inyo pandai bamain piano sajak umua tigo taun karano dibimbiang dek amaknyo. Katiko baumua 2,5 taun, Vidi alah manjuarai lomba nyanyi tingkek anak-anak dan katiko SD inyo diangkek manjadi duta kesenian di sakolahnyo.[2]

Karier

[suntiang | suntiang sumber]

Karier Vidi sabagai panyanyi barawal katiko apaknyo sadar akan bakat tapandam Vidi dan mulai manawarkan album demo Vidi kapado kawan-kawannyo. Tapi album tu ditulak dek sajumlah produser karano panyanyi solo jantan sadang indak tren pado maso itu. Satalah bakali-kali ditulak, akhianyo saurang produser banamo Lala Hamid baniek mamproduseri Vidi pado taun 2009. Album partamo Vidi bajudul Pelangi di Malam Hari diluncuan pado taun 2008, nan mamuek sajumlah lagu tanamo, contohnyo "Nuansa Bening", "Cinta Jangan Kau Pergi", "Pelangi di Malam Hari", jo "Status Palsu".[2]

Pado taun 2009, Vidi dipacayo sabagai salah saurang panyanyi nan dipiliah untuk mambaoan lagu ciptaan Presiden Susilo Bambang Yudhoyono. Lagu itu bajudul "Jiwaku Terang di Malam Itu", nan partamo kali dinyanyiannyo dalam upacara 17 Agustus 2009 di Istana Negara.[3] Pado taun nan samo, Vidi marilis album kaduonyo nan bajudul Lelaki Pilihan, diikuiki dek album katigo bajudul Yang Kedua pado taun 2011. Vidi sempat vakum salamo ampek taun karano bakuliah di lua nagari, dan pado taun 2015, Vidi marilis singelnyo nan bajudul "Membiasakan Cinta". Singel iko diparuntuakan bagi urang-urang nan mangidap HIV-AIDS, karano pado maso itu Vidi ditunjuak sabagai Duta AIDS Indonesia 2015-2016.[4] Pado taun 2016, Vidi mangaluaan album katigonyo bajudul Persona, nan mamuek sajumlah singel sarupo "Aku Cinta Dia", "Hingga Nanti", jo "Definisi Bahagia".[5]

Pandidikan

[suntiang | suntiang sumber]

Vidi basakolah di SD, SMP, jo SMA Al Azhar di Jakarta. Pado taun 2013, Vidi malanjuikan kuliah S2 nyo ka Universitas Manchester, Inggirih. Inyo lulus pado taun 2016 jo predikat cumlaude di jurusan Innovation Management and Enterpreneurship, jo bagala M.sc.[6]

Kahidupan pribadi

[suntiang | suntiang sumber]

Vidi Aldiano manikahi saurang aktris banamo Sheila Dara pado tanggal 15 Januari 2022. Sasuai adat Minangkabau, Vidi mandapek gala adaik satalah manikah, yaitu Sutan Sari Alam dari Bukittinggi.[7]

Pado taun 2020, Vidi manyatokan bahwasonyo inyo sadang mangidap kanker ginjal. Kanker tu lah diidapnyo sajak taun 2019. Sabalumnyo Vidi alah manjalani operasi di Singapura, sahinggo ginjal subalah kirinyo alah diangkek dalam operasi tu. Sajak taun 2021, Vidi rutin manjalani kemoterapi.[8]

Diskografi

[suntiang | suntiang sumber]
!Artikel utamo untuak bagian ko adolah: Diskografi Vidi Aldiano

Rujuakan

[suntiang | suntiang sumber]
  1. ↑ "Vidi Aldiano, Duta AIDS dan Duta Persahabatan Indonesia". pancar.id. Diakses tanggal 5 Januari 2024. 
  2. ↑ a b "Siapa Sebenarnya Harry Kiss, Sumber Kekayaan Ayah Vidi Aldiano Terungkap, Punya Kastil di Jerman". tribunnews.com. 8 Juni 2020. Diakses tanggal 5 Januari 2024. 
  3. ↑ "Vidi Aldiano Nyanyikan Lagu Ciptaan SBY". viva.co.id. 23 November 2009. Diakses tanggal 5 Januari 2024. 
  4. ↑ "Jadi Duta Untuk HIV, Vidi Aldiano: Stop Diskriminasi ODHA". kapanlagi.com. 8 Agustus 2015. Diakses tanggal 5 Januari 2024. 
  5. ↑ "Vidi Aldiano Mulai Berani Tulis Lagu di Album Ketiga". detik.com. 1 Maret 2017. Diakses tanggal 5 Januari 2024. 
  6. ↑ "Raih S2 dengan Predikat Cumlaude, Vidi Aldiano Siap Lanjut S3". cnnindonesia.com. 14 Juli 2015. Diakses tanggal 5 Januari 2024. 
  7. ↑ "Cerita Bahagia dari Pernikahan Vidi Aldiano dan Sheila Dara". kompas.com. 16 Januari 2022. Diakses tanggal 5 Januari 2024. 
  8. ↑ "Awal Mula Vidi Aldiano Kena Kanker, Sempat Operasi Angkat Ginjal". viva.co.id. 11 Oktober 2023. Diakses tanggal 5 Januari 2024. 

Pautan lua

[suntiang | suntiang sumber]