Лазар Личеноски
| Лазар Личеноски | |
|---|---|
 Авопортрет од 1947 година | |
| Роден(а) | 26 март 1901 Галичник, Косовски Вилает, Османлиска Империја |
| Починал(а) | 10 април 1964 (возр. 63) Скопје, СР Македонија, СФРЈ |
| Националност | Македонец-Југословен |
| Народност | Македонец |
Лазар Личеноски (Галичник, 26 март 1901 - Скопје, 10 април 1964) — македонски експресионистички сликар и еден од најавтентичните сликари на македонскиот предел, во кои внесувал и фолклорни елементи. Сликал и мртва природа, портрети и мозаици.[1][2]
Образование
[уреди | уреди извор]Уметничка школа со академски курс завршил во Белград, 1927 г. Специјализирал ѕидни техники во Париз во ателјето на Марсел Линоар и кај Пол Бодуен на Високата школа за уметности и занаети (École nationale supérieure d'arts et métiers), ги посетувал ателјето на Андре Лот и академијата „Гран Шомје“ (Académie de la Grande Chaumière) од 1927 до 1929 г.
Кариера
[уреди | уреди извор].JPG)
Живеел во Белград, а потоа во Скопје. Бил член на предвоената белградска група „Облик“.
Самостојно изложувал пред и по војната (за првпат во 1927) во Скопје, Белград, Загреб, а учествувал (од 1927) на групни изложби во Скопје, Париз, Белград, Лондон, Ливерпул, Манчестер, Солун, Прага, Софија, Рим, Букурешт, Братфорд, Канада, Тунис и други места.
Бил професор и директор на училиштето за применета уметност во Скопје, дописен член на САНУ итн. Добитник е на Октомвриската награда за сликарство во 1959 година.
Во февруари 2015 година, куќата на Личеноски, која се наоѓа во подножјето на Скопското кале, станала државна сопственост. Притоа, било предвидено куќата да биде претворена во Музеј на Личеноски, раководен од Националната галерија на Македонија.[3][4]
Позначајни дела
[уреди | уреди извор]Меѓу позначајните дела на Личеноски се вбројуваат:
- „Бачила“,
- „Долап“,
- „Афионски полиња“,
- „Охридски рибари“ и други.
Поврзано
[уреди | уреди извор]Наводи
[уреди | уреди извор]- ↑ Блаже Конески, Димитар Башевски (1990). Ликови и теми. Култура.
- ↑ Бошковска, Надица (2000). Библиографија на македонската ликовна уметност (2. изд.). НУБ „Климент Охридски“.
- ↑ „Куќата на доајенот Личеноски подготвена да стане музеј“, Дневник, петок, 27 февруари 2015, стр. 20.
- ↑ Катерина Богоева, „Музејот на Лазар Личеноски треба да биде отворен во 2016 година“, Утрински весник, година XVI, број 4721, петок, 27 февруари 2015, стр. 15.
Надворешни врски
[уреди | уреди извор]- Сликарот Лазар Личеноски: Архивирано на 5 март 2016 г. По повод ретроспективната изложба на Л. Личеноски во Музеј на современата уметност, Скопје, октомври 1998. Галерија Осврти „Блесок“ бр. 14, април-мај 2000
- Лазар Личеноски: Доајен на македонското современо сликарство Архивирано на 8 април 2014 г.
|