Милан Вилотиќ

Милан Вилотиќ (Белград, 21 октомври 1986) е српски фудбалер кој настапува како играч во одбраната.

Кариера

Вилотиќ во 2012 година

Кариерата ја започнал во 2004 година во екипата на Чукарички, каде настапувал сѐ до месец август 2009 година, кога ќе се приклучи на составот на Црвена ѕвезда.^[1]

По една повреда, Милан Вилотиќ, очигледно со недоволно коректна лекарска интервенција, неговата коска од пределот на рамото сраснала на погрешен начин. Со текот на времето, просторот помеѓу двете коски почнал да се калцифицира, што по одреден временски период предизвикало појава на тумори. На крајот на месец август 2010 година на првотимецот од екипата на Црвена ѕвезда, лекарите му пронашле туморно ткиво на десното рамо, поради што бил опериран во градот Болоња, во Италија.^[2][3]

На крајот на месец јануари 2011 година добил потврда од докторот Марио Меркјури од клиниката „Риколи“ во Болоња дека бил подготвен за сите физички напори и дека сепак ќе можел професионално да продолжи да се занимава со фудбал.^[4]

По враќањето во тренажниот процес, тој во два наврати бил отстранет од тимот, поради конфликт со тренерот Роберт Просинечки. Најпрво во месец јули 2011 година тој бил суспендиран поради имитирање и потсмевање на тренерот Просинечки, поради што му била одземена и капитенската лента,^[5][6] а подоцна бил вратен во тимот по интервенција на раководството.^[7] Тој не се задржал долго во тимот, бидејќи влегол во отворена кавга со соиграчот Борхи^[8], по што бил отстранет од тимот, а веднаш потоа бил ставен и на трансфер листата.

Вилотиќ сочекал да стане слободен играч и на крајот без обесштетување ги оставил белградските „црвено-бели“. Од месец јуни 2012 до месец јануари 2014 година настапувал за швајцарскиот тим на Грасхопер, а потоа станал и член на екипата на Јанг Бојс од Берн.^[9] На крајот од месец февруари 2017 година, тој се вратил во екипата на Грасхоперс,^[10] а во текот на 2018 година се преселил во составот на Санкт Гален.

Репрезентација

Милан Вилотиќ во 2009 година бил учесник на Европското првенство за играчи до 21 година во Шведска.

За најдобрата репрезентација на Србија одиграл три натпревари. Својот прв натпревар го одиграл на 7 јуни 2011 година на пријателскиот натпревар против селекцијата на Австралија (0:0) во Мелбурн. Тој настапил во месец август 2011 година против репрезентацијата на Русија (0:1) во Москва и во ноември 2011 година против составот на Хондурас (0:2) во Сан Педро Сула.

Трофеи

Црвена ѕвезда

• Освоен е Купот на Србија: 2009/10.

Наводи

1. „Милан Вилотић прешао у Звезду“. b92.net. 11 август 2009.
2. „Милан Вилотић има тумор у рамену“. pressonline.rs. 25 август 2010. Архивирано од изворникот на 2018-02-27. Посетено на 2022-02-06.
3. „Вилотић у Београду“. novosti.rs. 10 септември 2010.
4. „Вилотић добио зелено светло за наставак каријере, ускоро на тренинзима Звезде“. sport.blic.rs. 28 јануари 2011.
5. „Вилотић одстрањен из тима!“. mondo.rs. 16 јули 2011. Архивирано од изворникот на 2018-02-27. Посетено на 2022-02-06.
6. „Просинечки и Вилотић – где је пукло?“. mondo.rs. 17 јули 2011. Архивирано од изворникот на 2019-07-26. Посетено на 2022-02-06.
7. „Вилотић враћен у тим, иако је тренер против тога“. politika.rs. 3 август 2011.
8. „Потукли се Вилотић и Борха!“. novosti.rs. 27 ноември 2011.
9. „Вилотић из Грасхоперса прешао у ривалски Јанг Бојс“. sport.blic.rs. 1 февруари 2014.
10. „Милан Вилотић се вратио у стари клуб“. sportskenovosti.net. 1 март 2017.

Надворешни врски

• Милан Вилотиќ на сајтот на српската репрезентација