Халкбанка АД Скопје — македонска универзална банка која ги извршува сите видови банкарски работи во Македонија. Таа е наследник на поранешната Извозно Кредитна Банка АД Скопје, која во текот на 2011 година го променила името во Халкбанка АД Скопје, како резултат на промена во акционерската структура. Како една од средните по големина банки во државата, според класификацијата од НБРМ, Халкбанка АД, Скопје е афирмирана и препознатлива како банка за поддршка на развојот на микро, мали и средни претпријатија на македонскиот пазар. Халкбанка АД Скопје остварува долгорочна соработка со меѓународни финансиски институции при обезбедување на долгорочни фондови за развој на македонската економија.[1]
Халкбанка АД Скопје е дел од групацијата Халкбанк Турција (Türkiye Halk Bankası A.Ş.), основана во 1938 година, која е една од најголемите банки на турскиот банкарски пазар. Заклучно со крајот на 2010 година, Халкбанк имала актива од над 35 милијарди евра и капитал од 3,5 милијарди евра. Стапката на поврат на капиталот изнесувал повеќе од 30% во 2010 година, со нето профит од 1 милијарда евра. Банката има над 700 филијали во Турција и во странство и преку 13 000 вработени..
Врз основа на Решението на гувернерот на Народната банка на Република Македонија бр. 7422 од 10.09.2012 година била издадена дозвола за статусна промена присоединување на „Зираат банка“ АД Скопје кон „Халк банка“ АД Скопје. На 01.10.2012 година, во Централниот регистар на Република Македонија бил извршен упис на статусната промена - присоединување. Со извршениот упис на статусната промена - присоединување, „Зираат банка“ АД Скопје престанала да пости како правно лице без да се спроведе постапка за ликвидација, а целокупниот нејзин имот и обврски преминале кај „Халк банка“ АД Скопје.[2]
Спојувањето било извршено така што „Халк банка“, преку единаесеттата емисија на долгорочни хартии од вредност, ја зголемила основата главнина. Одобрението за емитување на акциите го дала Комисијата за хартии од вредност на Република Македонија. Притоа, „Халк банка“ АД Скопје издала 100.954 обични акции, со вкупна вредност од 1.009.540 денари. Оваа емисија на „Халк банка“ АД Скопје се реализирала како приватна понуда, бидејќи била наменета за институционалниот инвеститор - „Зираат банка“ од Турција, единствениот акционер на „Зираат банка“ АД Скопје.[3]
Мисијата на Халкбанка АД Скопје е да биде водечка банка истовремено исполнувајќи ги сите услови на универзално банкарство, да биде исто така силна и во производите и услугите за население и континуирано да создава дополнителни вредности за клиентите, акционерите и вработените, преку ефикасна имплементација на сите банкарски услуги со свест и разбирање на своите општествени одговорности и должности.[4]
Да се биде регионална водечка банка за МСП која е способна да ги изврши сите барања на универзалното банкарство додека афирмираме силно присуство во услугите во доменот за население.[4]
Состојбата на Билансот на 31 Декември 2012 година изнесува 17.959.586 илјади денари и за разлика од 2011 година, кога изнесувал 9.294.147 илјади денари, бележи пораст од 93% на годишно ниво.
Структурата на Билансот на Состојба на 31.12.2012 година е следна
Средства
Извори на средства
Согласно дозволата за основање и работење, издадена од Гувернерот на НБРМ, Халк банка, АД - Скопје ги извршува следниве финансиски активности:
Халк Банка ги одобрува следниве кредити за населението:[5]
Исто така, банката одобрува и кредити на правни лица, како:[6]
Акционерскиот капитал на Банката во износ од 2.893.690.000,00 денари е составен од 289.369 обични акции со номинална вредност од 10.000 денари за една акција.
| Учество на капиталот | |
|---|---|
| Turkiye Halk Bankasi A.S. www.halkbank.com.tr | 98.78% |
| 10 други акционери | 1.2% |
| Вкупно | 100.00% |
Неџдет Палакчи / Главен извршен директор и претседател на управниот одбор
Томче Тасевски / Извршен директор задолжен за секторите:
Турхан Адеми / Извршен директор задолжен за секторите:
Ертурк Сумер / Извршен директор задолжен за секторите:
Позначајни финансиски резултати за 31.12.2012:
ХАЛКБАНК - прва и единствена Банка во Македонија која го нуди сервисот “е-цоммерце” (“електронско тргување”) за вршење на електронски плаќања преку интернет, за сите корисници на ВИСА платежни картички, издадени од било која банка во светот (2009 година)[8]
ХАЛКБАНК AД, Скопје е добитник на признанието “Најдобра Банка во Р Македонија во 2007 година” од магазинот “Finance Central Europe” од Лондон. ХАЛКБАНК е добитник на признанието во категорија на средни и мали банки со што се потврдува успешноста во нејзиното работење, како средна по големина банка во земјата.[9]