ജാനകി ദേവി ബജാജ്

ജാനകി ദേവി ബജാജ്
ജനനം1893 ജനുവരി 7
മവോര, മധ്യപ്രദേശ്
മരണംമേയ് 21, 1979(1979-05-21) (പ്രായം 86)
ദേശീയത ഇന്ത്യ
അറിയപ്പെടുന്നത്സ്വാതന്ത്യസമരസേനാനി, വനിതാവകാശ പ്രവർത്തക

ഇന്ത്യൻ സ്വാതന്ത്യസമരസേനാനിയും വനിതാവകാശപ്രവർത്തകയുമാണ് ജാനകി ദേവി ബജാജ് (1893 ജനുവരി 7 - 1979 മേയ് 21). 1932-ലെ നിയമലംഘന സമരവുമായി ബന്ധപ്പെട്ട് ഇവർ ജയിൽശിക്ഷയനുഭവിച്ചിട്ടുണ്ട്. 1956-ൽ രാജ്യം പത്മവിഭൂഷൺ ബഹുമതി നൽകി ആദരിച്ചു.

കുടുംബം

[തിരുത്തുക]

1893-ൽ മധ്യപ്രദേശിലെ ജവോരയിലുള്ള ഒരു വൈഷ്ണവ മാർവാടി കുടുംബത്തിലാണ് ജാനകി ജനിച്ചത്. ബജാജ് ഗ്രൂപ്പിന്റെ സ്ഥാപകനായ ജമ്നാലാൽ ബജാജിനെയാണ് വിവാഹം കഴിച്ചത്.[1]

സമരജീവിതം

[തിരുത്തുക]

സ്വാതന്ത്യസമരത്തോടൊപ്പം വനിതകളുടെ അവകാശത്തിനുവേണ്ടിയും ഹരിജനങ്ങളുടെ ഉന്നതിക്കായും ജാനകി പോരാടി. മഹാത്മാഗാന്ധിയുടെ അനുയായിയായ ജാനകി അദ്ദേഹത്തെപ്പോലെ ഖാദി വസ്ത്രങ്ങൾ സ്വയം നെയ്തെടുത്തിരുന്നു. 1928-ൽ ഹരിജനങ്ങളുടെ ക്ഷേത്രപ്രവേശനത്തിനായി പ്രയത്നിച്ചു. ഇന്ത്യയ്ക്കു സ്വാതന്ത്ര്യം ലഭിച്ചതിനുശേഷം ആചാര്യ വിനോബാ ഭാവേയുമൊത്ത് ഭൂദാനപ്രസ്ഥാനത്തിൽ പ്രവർത്തിച്ചു.[2]

1956-ൽ ഇന്ത്യയിലെ ഏറ്റവും ഉയർന്ന രണ്ടാമത്തെ ബഹുമതിയായ പത്മവിഭൂഷൺ ലഭിച്ചു.[3] 1965-ൽ മേരി ജീവൻ യാത്ര (എന്റെ ജീവിതയാത്ര) എന്ന ആത്മകഥ രചിച്ചു. 1979-ൽ ജാനകി അന്തരിച്ചു. ഇവരുടെ ഓർമ്മയ്ക്കായി ബജാജ് ഗ്രൂപ്പ് ധാരാളം വിദ്യാഭ്യാസസ്ഥാപനങ്ങൾ തുടങ്ങുകയും ചില പുരസ്കാരങ്ങൾ ഏർപ്പെടുത്തുകയും ചെയ്തു. ജാനകി ദേവി ബജാജ് ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ്, ജാനകി ദേവി ബജാജ് ഗ്രാം വികാസ് സൻസ്ത എന്നിവ ഇതിൽ ഉൾപ്പെടുന്നു.[4]

അവലംബം

[തിരുത്തുക]
  1. ↑ "In Bajaj family, business sense over-rules ties". Financial Express. April 6, 2012.
  2. ↑ Bharti Thakur (2006). Women in Gandhi's mass movements. Deep and Deep Publications. p. 118. ISBN 8176298182.
  3. ↑ "Padma Awards Directory (1954-2007)" (PDF). Ministry of Home Affairs. 2007-05-30. Archived from the original (PDF) on 2009-04-10. Retrieved 2016-03-30.
  4. ↑ "Jankidevi Bajaj Gram Vikas Sanstha". Bajaj Electricals. Archived from the original on 2016-03-15. Retrieved 2016-03-30.

പുറംകണ്ണികൾ

[തിരുത്തുക]