Тачибана Мия

Тачибана Мия
Уран сайхны сэлэлт
Төлөөлдөг улс:  Япон
Хувийн мэдээлэл
Бүтэн нэр 立花美哉
Төрсөн огноо 1974 оны 12 сарын 12
Төрсөн газар Япон, Шига, Ооцү
 
Медалиуд
Зуны олимп
Хүрэл медаль – гуравдугаар байр Атланта 1996 баг
Мөнгөн медаль – хоёрдугаар байр Сидней 2000 хос
Мөнгөн медаль – хоёрдугаар байр Сидней 2000 баг
Мөнгөн медаль – хоёрдугаар байр Афин 2004 хос
Мөнгөн медаль – хоёрдугаар байр Афин 2004 баг
Дэлхийн АШТ
Мөнгөн медаль – хоёрдугаар байр Ром 1994 Хос
Хүрэл медаль – гуравдугаар байр Перт 1998 Ганцаарчилсан
Мөнгөн медаль – хоёрдугаар байр Перт 1998 Хос
Мөнгөн медаль – хоёрдугаар байр Перт 1998 Баг
Хүрэл медаль – гуравдугаар байр Фүкүока 2001 Ганцаарчилсан
Алтан медаль – нэгдүгээр байр Фүкүока 2001 Хос

Тачибана Мия (Япон: 立花美哉, たちばな みや, 1974 оны 12 сарын 12-нд төрсөн) нь Японы уран сайхны сэлэлтийн тамирчин юм. Шига аймгийн Ооцү хотод төржээ. Биеийн өндөр 170см, биеийн жин 55кг.

Бага сургуульд байх үедээ уран сайхны сэлэлтээр хичээллэж эхлэн, Иноүэгийн уран сайхны сэлэлтийн клубт хичээллэж байв. 1991 онд дэлхийн өсвөр үеийнхний аварга шалгаруулах тэмцээнээс 3 алтан медальтай буцаж ирснээр олонд танигджээ. Ахлах сургуулиа төгсөөд Доошиша их сургуульд элсэн орсон байна. Гэвч Канадад бэлтгэл хийдэг болж, их сургуулиа орхижээ.

1996 оны Атлантын олимпод Японы шигшээ багийн бүрэлдэхүүнд багтан, хүрэл медалиар энгэрээ мялаав. 2000 оны Сидней, 2004 оны Афины олимпуудаас хос, багийн төрөлд оролцож тус бүр 2 мөнгөн медаль зүүсэн байна. Түүнээс гадна 2001 оны Дэлхийн усан спортын аварга шалгаруулах тэмцээнд Такэда Михотой хослон оролцож, тус улсын түүхэнд уран сайхны сэлэлтээр анх удаа алтан медаль хүртсэн юм.

Тэрээр Афины олимпын дараа зодог тайлж, Японы Үндэсний Олимпын Хорооны спортын дасгалжуулагчийг гадаадад сургах хөтөлбөрт хамрагдан АНУ-ын Калифорни муж улсын Санта-Кларагийн "Акуамэйдс" клубт суралцсан бөгөөд 2008 оны 10 сард нутагтаа буцаж ирээд төрөлх клубтээ дасгалжуулагчаар ажиллаж байна.

Шагнал

[засварлах | кодоор засварлах]

Гадаад холбоос

[засварлах | кодоор засварлах]