F4 Thailand: Boys Over Flowers | |
---|---|
![]() | |
အမျိုးအစား | |
ဖန်တီးသူ | GMMTV |
အခြေခံထားသည်မှာ | Yoko Kamio ၏ Boys Over Flowers |
ရေးသားသူ | ယိုကို ခါ့မိအို |
ဒါရိုက်တာ | Patha Thongpan |
သရုပ်ဆောင် |
|
နိုင်ငံ | Thailand |
ဘာသာစကား | Thai |
ထုတ်လုပ်မှု | |
ထုတ်လုပ်သူ | X Nuttapong Monkolsawas , Jan Punchong Tuntisungwaragol |
ထုတ်လုပ်သည့် ကုမ္ပဏီ |
|
ထုတ်လွှင့်မှု | |
မူရင်းရုပ်သံလိုင်း | GMM 25 |
ဇာတ်လမ်းတွဲစဉ် | |
ဆက်စပ်မှုများ |
|
F4 Thailand: Boys Over Flowers သည် Tontawan Tantivejakul (Tu)၊ Vachirawit Chiva-aree (Bright)၊ Jirawat Sutivanisak (Dew)၊ Metawin Opas-iamkajorn (Win) နှင့် Hirunkit Changkham (Nani) တို့ ပါဝင်သရုပ်ဆောင်ထားသည့် ၂၀၂၁ တွင် ထွက်ရှိလာမည့် ထိုင်းဇာတ်လမ်းတွဲတစ်ပုဒ် ဖြစ်သည်။
ထိုင်ဝမ်၊ ဂျပန်၊ တောင်ကိုရီးယား၊ တရုတ်တို့ကဲ့သို့ ယိုကို ခါ့မိအို၏ ဂျပန် မန်ဂါ Boys Over Flowers (花より男子, Hana Yori Dango) ကို အခြေခံ ရိုက်ကူးထားခြင်းဖြစ်သည်။[၁]
ဒါရိုက်တာ Patha Thongpan ရိုက်ကူးပြီး GMMTV နှင့် Parbdee Taweesuk တို့ ပူးပေါင်းထုတ်လုပ်သည့် ဤ ဇာတ်လမ်းတွဲကို ၂၀၂၁ အထူးပရောဂျက်အဖြစ် ၂၀၁၉ အောက်တိုဘာ ၁၅၌ ပြုလုပ်သော "New & Next" အစီအစဉ်တွင် ကြေညာခဲ့သည်။[၂][၃]
ဤ ဇာတ်လမ်းတွဲတွင် ပါဝင်သည့် သရုပ်ဆောင်များမှာ အောက်ပါအတိုင်း ဖြစ်သည်။[၄]
၂၀၁၉ အောက်တိုဘာ ၁၅၌ ကြေညာလိုက်သည်မှစ၍ ထိုင်းပရိသတ်များက အဓိကဇာတ်ဆောင်နေရာအတွက် အမျိုးမျိုး အကြံပြုကြသည်။[၃][၅]
တစ်နှစ်နီးပါးအကြာ ၂၀၂၀ စက်တင်ဘာ ၁၆တွင် GMMTV က အဓိကဇာတ်ဆောင်များကို ကြေညာခဲ့သည်။[၆] ၂၀၂၁အတွင်း ထုတ်လွှင့်နိုင်ရန် ရည်ရွယ်ထားသည့် အဆိုပါ ဇာတ်လမ်းတွဲတွင် 2gether: The Series နှင့် Still 2gether တို့မှ Bright Vachirawit၊ Win Metawin တို့နှင့်အတူ မျက်နှာသစ် သရုပ်ဆောင်များဖြစ်သည့် Tontawan Tantivejakul၊ Hirunkit Changkham၊ Jirawat Sutivanisak တို့က အဓိကနေရာက ပါဝင်သရုပ်ဆောင်ကြမည် ဖြစ်သည်။[၇] ထိုင်း F4 တွင် BrightWin ၏ ပါဝင်မှုနှင့် ပတ်သက်၍ ထိုင်းအွန်လိုင်း ပရိသတ်အချို့မှာ အံအားသင့်ခဲ့ကြသကဲ့သို့၊ အချို့မှာ "သရုပ်ဆောင်များအဖြစ် ရှေ့ဆက်နိုင်မည့် အခွင့်အရေး" အဖြစ် ရှုမြင်ကြသည်။[၈]
GMMTV ၏ မန်နေးဂျင်း ဒါရိုက်တာ Sataporn Panichraksapong က မူရင်းစီးရီးမှာ မှတ်ချက်ကောင်းများ ရရှိခဲ့ပြီး ဇာတ်လမ်းမှာလည်း လက်ရှိ ထိုင်း လူမှုပတ်ဝန်းကျင်တွင် ဖြစ်ပေါ်နေသည်များနှင့် ကိုက်ညီနေသဖြင့် ထိုင်းဗားရှင်းဖြင့် ရိုက်ကူးထုတ်လွှင့်ရန် စီစဉ်ဆောင်ရွက်ခဲ့ခြင်း ဖြစ်သည်ဟု ဆိုသည်။[၆][၉] Parbdee Taweesuk နှင့် လက်တွဲသည်မှာလည်း ယခင်ကတည်းက The Gifted ကဲ့သို့ ပူးပေါင်းထုတ်လုပ်မှုများ ရှိခဲ့ခြင်းကြောင့်ဟု ဆိုသည်။[၇] ဇာတ်လမ်းတွဲ ဒါရိုက်တာဖြစ်သူ Patha Thongpan က ယခု ထိုင်းဗားရှင်းမှာ မူရင်းနှင့် ကွဲပြားမည်ဖြစ်ကြောင်း ဝန်ခံထားသည်။[၆]
ဇာတ်လမ်းတွဲ နမူနာကြော်ငြာပြီးနောက် #แบนF4 (F4 ကို ဖျက်) ဟူသော ဟက်ရှ်တက်ဂ်မှာ နှစ်ရက်တိတိ ရေပန်းစားခဲ့သည်။[၁၀][၁၁][၁၂]