Rotsterhaule
Rotsterhaule is een streekdörp in de gemiente De Friese Meren in de Nederlaanse perveensie Frieslaand, tussen et Tjeukemeer en Et Vene en het omdebi'j 400 inwoners. Et vormt einliks een twielingdörp mit Sunt-Jehannesge. Et beheurde tot 2014 tot de vroggere gemiente Scharsterlaand.
Naemgeving
[bewark | bronkode bewarken]De naeme Rotsterhaule zol ofleided wezen van et kotbi'jlegen Rottum. Rotsterhaule betekent dan zoks as "heugte (haule) in de buurte van Rottum". Al in 1490 het der in Rotsterhule een Roomse kapel van et Hascher Konvent-klooster (uut Haskerdieken) staon, et is annemelik dat d'r al eerder meensken woonden in et gebied. De kapel wodde tot 1580 bruukt en ston op de krusing van de Streek en de Langediek.
Veenofgreving
[bewark | bronkode bewarken]Et hudige dörp is ontstaon tiedens de ontvening van een leegveengebied. Tiedens de ontvening bin vule bewoners uut de Kop van Overiessel naor dit gebied trokken. Nao de Gieterse ontvening leupen de poolders vol waeter die bi'j harde wind de bebouwing bedriegde. Rond 1860 is de Grote Veenpoolder deur vier windmeulens dreugemaolen. Van disse windmeulens bestaot nog ien exemplaor, dit exemplaor is deur de bevolking van de sloop redded: De Hersteller.
Nao de dreugemaoling wodt et gebied veurnaemelik bruukt veur veeteelt. Bi'j et dörp is een oorspronkelik veengebied beweerd bleven wat opgaot in et netuurgebied Et Ooster Skar, omdebi'j 500 bunder groot en wodt beheerd deur It Fryske Gea.
In et dörp zit bakkeri'je Modderman (bekend van zien peperneuten), een supermarkt mit postagentschop en een fietsemaeker.