Cleo Patra Brown (* 8. August 1909 in Meridian; † 15. April 1995 in Denver) weer en US-amerikaansch Jazzpianistin un Singerin.
Brown hett den Boogie Woogie-Pianostil vun hör Bröer Everett lehrt, de mit Pine Top Smith arbeiten dee. Hör Familie truck 1919 nah Chicago, wo se tonächst in dat Öller vun 14 Johren in de Vaudevilleberiek arbeiten dee. Dör en Krankheit muss se hör Karriere in de fröh 1940er Johren ünnerbreken. In de 1950er-Johren is se regelmaatig in de Three Deuces Club in Chicago uptreden. Brown hett ok in New York City, wo se up WABC en eegen Radioshow harr, in Hollywood, in Las Vegas un in San Francisco arbeit. Se nehm ünner annern ok mit de Decca All-Stars un in hör Tiet an de Westküst för Capitol Records up. As se öller weer arbeit se as Karkenmusikerin in de Seventh Day Adventist Church in Denver. 1987 is se in Marian McPartlands Radio-Reeg Piano Jazz uptreden.
Se weer de eerste Jazzinstrumentalistin, de mit de NEA Jazz Masters Fellowship (1987) uttekent wurr. Hör Speel hett den jungen Dave Brubeck beinfloot.