Karl Rudolf Brommy
Karl Rudolf Brommy (* 10. September 1804 in Anger bi Leipzig, † 9. Januar 1860 in Bremen) weer de Admiraal van de eerste düütsche Flott. He nehm an den Freeheitskamp van de Greken gegen de Törken deel un stell de greeksche Marine up. 1848 woor he van dat Parlament in de Paulskark to Frankfort as Riekskommissar van de düütsche Flott beropen.
Unner sienen Befehl stund de eerste düütsche Flott mit de Flagg swart-root-gold. To disse Flott hören negen Kriegsdamperscheep, ene Segelfregatt un 27 Kanonenbööd. To'n gröttsten Deel legen de Scheep in Braak an de Unnerwerser. 1852 besloot man in Frankfurt al wedder dat Uplösen van de Flott, de noch in dat sülve Jahr up de Reed in Braak veraukschoneert woor. De vergrellte Brommy sturv 1860 un woor up den Karkhoff in Karkhammelwarden bi Braak begraven.
Weblinks
[ännern | Bornkood ännern]
Karl Rudolf Brommy. Mehr Biller, Videos oder Audiodateien to’t Thema gifft dat bi Wikimedia Commons.