Mathilde Bonnefoy (* 11. März 1972 in Paris) is en franzöösch-amerikaansche Filmeditorin un Speelbaas’sche.
Bonnefoy is de Dochter vun den franzööschen Lyriker Yves Bonnefoy. Se hett blangen de franzööschen ok de US-amerikaansche Staatsbörgerschop.
Se hett vun 1990 bit 1991 Philosophie an de Pariser Sorbonne studeert, dat Studium denn aver afbroken, üm na Berlin to gahn. 1995 hett se en Arbeit as Helpsfro bi’n Filmsnitt annahmen un harr 1997 de Wacht över den Snitt vun den Film Das Leben ist eine Baustelle. Dorbi hett se den düütschen Speelbaas Tom Tykwer drapen, för den sien Filmwarken se later veel as Editorin mitarbeit hett. För ehr Arbeit an den internatschonal bekannten Film Lola rennt is se denn ok uttekent worrn. För den Speelbaas Wim Wenders hett se ern Kortfilm un en Dokumentarfilm sneden. Dorna hett Bonnefoy ehr Arbeit ok mehr op de Regie utricht un ok Dreihböker verfaat. För Arte un för de düütsche Grupp Rammstein hett se verschedene Dokumentarfilmen dreiht.
| Johr | Titel | Funkschoon |
|---|---|---|
| 1998 | Lola rennt (int. Titel: Run, Lola, Run) |
Snitt |
| 2000 | Der Krieger und die Kaiserin | Snitt |
| 2002 | Heaven | Snitt |
| 2003 | The Soul of a Man | Snitt |
| 2004 | True, Kortfilm | Snitt |
| 2006 | Anakonda im Netz, Feernsehn | Speelbaas Snitt |
| 2007 | The Favor | Snitt |
| 2008 | Solstice | Snitt |
| 2008 | Insensitive | Speelbaas Dreihbook Snitt |
| 2009 | The International | Snitt |
| 2010 | Orly | Snitt |
| 2010 | 3 | Snitt |
| 2011 | Was Tun?, Feernseh-Dokureeg | Produzent Dreihbook Snitt |
| 2014 | Citizenfour | Produzent Snitt |
Mathilde Bonnefoy is bit hüüt (Februar 2015) achtteihn mol för wichtige Filmpriesen vörslahn wesen un weer mit teihn dorvun uttekent, so as: