Patrick Favre (* 30. Juli 1972 in Aosta) is en ehmalger italieensch Biathlet.
Sien internatschonal Loopbahn fung in de Saison 1992/83 in Pokljuka an, as he in dat Eenzelrennen up den 33. Platz keem un dorbi noch knapp vör sien Mannschapskamerad Andreas Zingerle bleev. In de Saison 1993/94 kunn he bi den Sprint in Ruhpolding sien eersten Weltcupsieg fiern.
Bi de Biathlon-Weltmeesterschapen 1997 in Osrblie wunn Favre mit de italieensch Staffel (gemeensam mit René Cattarinussi, Wilfried Pallhuber un Pieralberto Carrara de Bronzemedaille, verpass aber up Platz 4 in’n Sprint un Platz 5 in de Verfolgung aber en Medaille. Twee Johr later wunn he bi de Biathlon-Weltmeesterschapen 1999 in Kontiolahti de Silbermedaille in’n Sprint (achter Frank Luck aber vör Frode Andresen) un keem in de Verfolgung up den achten Platz.
In de Saison 1994/95 wurr he achter Jon Åge Tyldum Tweet van den Gesamtweltcup, hett aber den Eenzelweltcup vör Pallhuber un Tyldum wunnen. Patrick Favre hett 1994 un 1998 an de Olympisch Winterspelen deelnommen, keem dor aber blots in de Staffel to’n Insatz un bleev ahn Medaille. 2001 hett he sien Loopbahn afslooten.
Van 2012 bit 2018 weer he Natschonaltrainer van de italieensch Biathleten. Sietdem arbeit he as Scheettrainer van dat franzöösch Mannlüüd-Team van Vincent Vittoz.[1]