Sam Wooding

Sam Wooding un sien Orchester 1925 in Berlin, Sam Wooding sitt in de Midden

Samuel David Wooding (* 17. Juni 1895 in Philadelphia, Pennsylvania; † 1. August 1985 in New York City) weer en US-amerikaansch Jazz-Pianist, -Arrangeur un -Bandleader.

Wooding is Anfang vun de 1920er Johren mit en eegen Orchester in Atlantic City uptreden, to dat ok de Trompeter Elmer Chambers hörrn dee. Bedüüdend is he vör allen dör sien Europatourneen 1925 mit de Show Chocolate Kiddies un af 1927 mit eegen Band. In de Loop vun söss Johren droog he mit sien Orchester, in dat Musikers as Tommy Ladnier, Doc Cheatham, Gene Sedric, Frank Goudie oder Willie Lewis spelen dee, to de Verbreeden vun den Jazz in Europa bi. He geev 1931 in Kopenhagen dat eerst Konzert in Europa, in dat utnahmslos Jazz speelt wurr un speel ok Upnahmen för mehrere Plattensellschapen in. Hugues Panassié keem nah en Konzert to dat Oordeel: Sie spielen heiß - wirklich heiß, und mich faszinierte ihre Energie, die bei weißen Bands so nicht zu hören ist.^[1]

1935, nah sien Jazzkarriere, studeer he Musik un wurr Musiklehrer un Chorleiter.

Enkeld Nahwiesen

1. nah Ian Carr et al. Rough Guide Jazz. Stuttgart 1999, ISBN 1843532565, S. 710