Stephen B. Grimes

Stephen B. Grimes (* 18. April 1927 in Weybridge; † 12. September 1988 in Positano) weer en britischen Artdirector un Szenenbillner.

Leven un Wark

Grimes weer dat tweete vun söven Kinner. Sien Öllern weern Leslie un Nancy Grimes. He füng sien Loopbahn in de Filmweertschop in’t Johr 1953 an mit den Film The Sword and the Rose. Bit to sien Doot hett he an dat szenische Gestalten vun mehr as dörtig Filmen mitarbeit.

1965 weer he dat eerste mol för en Oscar vörslahn för den Swartwittfilm The Night of the Iguana vun John Huston, mit den tosamen he twölf Filmen maakt hett. Ok mit den Speelbaas Sydney Pollack hett he lange Tiet tosamenarbeit. Mit em hett he an söven Filmen mitarbeit. Annere Speelbasen för de Grimes arbeit hett weern David Lean, Peter Yates, Mark Rydell un Ulu Grosbard. Vun Vördeel weern bi em sien künstlerischen Anlagen, de he bruukt hett, üm schöne, dramaatsche un atmosphäärsche Skizzen to maken bi’t Vörbereiten vun en Film. Dormit weer he en grote Hülp för den Speelbaas un annere Kruliddmaten bi’t Ümsetten vun de Biller un den Stil vun’n Film. He weer sik kloor över de Bedüden vun Licht, ruum un Musters un hett in sien Skizzen mehr ünnerbröcht as de meisten annern Szenenbillners.

Grimes weer mit Kathleen Grimes, borene Sanders, verheiraat, de he drapen hett as he de Saint Martin’s School of Art besöcht hett. Se harrn tohopen fief Kinner.

Filmografie (Utwahl)

Johr	Titel	Funkschoon
1956	Moby Dick	Hülpsmann
1957	Heaven Knows, Mr. Allison dt.: Der Seemann und die Nonne	Artdirector
1958	The Roots of Heaven dt.: Die Wurzeln des Himmels	Artdirector
1960	The Unforgiven dt.: Denen man nicht vergibt	Artdirector
1961	The Misfits dt.: Misfits – Nicht gesellschaftsfähig	Artdirector
1962	Freud	Artdirector
1964	The Night of the Iguana dt.: Die Nacht des Leguan	Artdirector
1966	This Property Is Condemned dt.: Dieses Mädchen ist für alle	Szenenbillner
1967	Reflections in a Golden Eye dt.: Spiegelbild im goldenen Auge	Szenenbillner
1969	Sinful Davey dt.: Dave – zuhaus in allen Betten	Szenenbillner
1970	Ryan’s Daughter dt.: Ryans Tochter	Szenenbillner
1973	The Way We Were dt.: Cherie Bitter	Szenenbillner
1975	Three Days of the Condor dt.: Die drei Tage des Condor	Szenenbillner
1976	Murder by Death dt.: Eine Leiche zum Dessert	Szenenbillner
1978	Straight Time dt.: Stunde der Bewährung	Szenenbillner
1980	Urban Cowboy	Szenenbillner
1981	True Confessions dt.: Fesseln der Macht	Szenenbillner
1981	On Golden Pond dt.: Am goldenen See	Szenenbillner
1983	Krull	Szenenbillner
1983	Never Say Never Again dt.: James Bond 007 - Sag niemals nie	Szenenbillner
1983	The Dresser dt.: Ein ungleiches Paar	Szenenbillner
1985	Out of Africa dt.: Jenseits von Afrika	Szenenbillner
1988	Haunted Summer dt.: Schwarzer Sommer	Szenenbillner

Utteken

Grimes weer för tosamen veer Filmpriesen vörslahn, dorünner dreemol vör den Oscar. Uttekent weer he eenmol, neemlich 1986 mit den Oscar in de Kategorie Best Szenenbild för den Film Out of Africa (tohopen mit Josie MacAvin)

Weblenken

Stephen B. Grimes in de Internet Movie Database (engelsch)