Wiktor Fjodorowitsch Mamatow (russisch: Виктор Фёдорович Маматов; * 21. Juli 1937 in Belowo, Oblast Kemerowo; † 27. Oktober 2023 in Moskau) weer en russisch Biathlet, Biathlontrainer un Sportfunktschonär.
Bi de Weltmeesterschapen 1967 hett Mamatow in' Eenzel över 20 Kilometer de Goldmedaille (vör Stanisław Szczepaniak un Jon Istad) un mit de Staffel de Sülvermedaille haalt. Een Johr later wunn he bi de Olympisch Winterspelen 1968 in Grenoble de Staffelgoldmedaille. Ok bi de Weltmeesterschapen 1969, 1970 un 1971 wunn he he mit de Staffel ok de Goldmedaille. En wiedere Staffelgoldmedaille keem bi de Olympisch Winterspelen 1972 in Sapporo dorto.
Nah Afsluss vun sien aktiv Sportkarriere weer Mamatow van 1973 bit 1976 Cheftrainer vun de sowjeetsch Biathlon-Natschonalmannschap. Dornah weer he bit 1981 Rektor vun dat Sportgymnasium in Nowosibirsk. Van 1981 bit 1985 hett he weer de sowjeetsch Biathlon-Natschonalmannschap traineert. Marmatow weer van 1989 bit 1992 de letzte Präsident vun den sowjeetschen Biathlonverband, dornah bit 1998 Viezpräsident vun den russischen Biathlonverband. Doröver herut hörr he van 1994 bit 2002 den Natschonalen Olympischen Komitee Russland an. 1998 un 2002 weer he as Teammanager vun de russisch Biathleten bi de Olympisch Winterspelen tätig.