Beer Ajam
| Beer Ajam | |||
| بئر عجم | |||
| landsby | |||
 | |||
| Land |  Syria
| ||
|---|---|---|---|
| Guvernement | Quneitra guvernement | ||
| Distrikt | Quneitra-distriktet | ||
| Nahiyah | Quneitra | ||
| Høgd | 942 moh. | ||
| Koordinatar | 33°03′11.68″N 35°52′1.62″E / 33.0532444°N 35.8671167°E | ||
| Folketal | 353 (2004) | ||
| Grunnlagd | 1872 | ||
| Tidssone | EET (UTC+2) | ||
| Retningsnummer | 14 | ||
 Beer Ajam 33°03′12″N 35°52′02″E / 33.05324444°N 35.86711667°E | |||
  Kart som viser Beer Ajam.
| |||
| Wikimedia Commons: Beer Ajam | |||
Beer Ajam (arabisk بئر عجم|بئر عجم, òg skrive Bir Ajam) er ein syrisk-tjerkessisk landsby i Quneitra guvernement i den syrisk-kontrollerte delen av Golanhøgdene. Han har vore busett i kring 150 år. Dei første husa her vart bygde i 1872. Av stader i nærleiken finn ein Quneitra i nord, Naba al-Sakhr i nordaust, al-Harra i aust, Namer i søraust og Bariqa i sør. I følgje Syrisk statistisk sentralbyrå (CBS) hadde Beer Ajam eit folketal på 353 i 2004.[1] Innbyggjarane er tjerkessarar frå abadzekh- og kebertei-folka, og alle er sunnimuslimar.
Historie
[endre | endre wikiteksten]Seint på 1800-talet vart Beer Ajam skildr som ein stor og velståande tjerkessisk landsby med 80 hytteliknande hus og totalt 340 innbyggjarar. Han var bygd i fråskilde delar med kjelder i nord og eit tjern i sør.[2]
Forflytting og oppbygging
[endre | endre wikiteksten]Landsbyen vart fråflytta i nesten 10 år etter Israel okkuperte Golanhøgdene etter seksdagarskrigen i 1967. Delen av Golan der denne landsbyen ligg, vart teken attende av Syria etter Yom Kippur-krigen i 1973, sjølv om innbyggjarane ikkje flytta attende før mot slutten av 1970-åra.
Staten bygde nye hus nord i landsbyen i 1986 for å oppfordre folk om å vende attende. Halvparten av husa står likevel tomme. Nybygginga omfatta òg andre landsbyar i området.
Demografi
[endre | endre wikiteksten]
Dei permanente innbyggjarane i landsbyen er kring 400 tjerkessarar. Det er estimert at dette berre er ein fjerdedel av det det burde ha vore, og at resten i dag bur i hovudstaden eller diasporaen. Kjønnsfordelinga er 55 % menn og 45 % kvinner. Kring 40 % av innbyggjarane har tilgang til ein datamaskin. Den gjennomsnittlege månadsløna for ein familie er kring 300 euro.
Om sommaren vitjar mange turistar landsbyen, og folketalet kan då tredoblast. Mange kjem for å vitje slektningar, og kjem ofte frå andre landsbyar i området eller frå dei israelskkontrollerte områda av Golanhøgdene.
Natur og dyreliv
[endre | endre wikiteksten]Klimaet er moderat om sommaren og kaldt om vinteren. Landsbyen er omgjeve av skogar, der eik, butm, azaapop, villfersken og pæretre er dei vanlegaste treslaga. Av dyreliv finn ein rev og sjakal, villgris, ville gharbra og andre, i tillegg til eit rikt fugleliv.
Landbruk
[endre | endre wikiteksten]
Landbruket er fokusert på oliventre, druer, mandlar og blomsterkransar.
Den syriske borgarkrigen
[endre | endre wikiteksten]Den 4. november 2012 hevda det israelske forsvaret at tre stridsvogner frå den syriske hæren gjekk inn i Beer Ajam i ein operasjon mot opprørarar som prøvde å styrte den syriske regjeringa til Bashar al-Assad som ein del av den syriske borgarkrigen. Israel sende ein formell klage til fredsstyrkane i Dei sameinte nasjonane som opprettheld den israelsk-syriske våpenkvilen i Golanhøgdene. Den påståtte operasjonen var i så fall den første militære operasjonen i Beer Ajam sidan 1973.[3]
Kjelder
[endre | endre wikiteksten]- ↑ Folketeljing 2004 Arkivert 2020-08-05 ved Wayback Machine.. Syrisk statistisk sentralbyrå (CBS). Quneitra guvernement. (arabisk)
- ↑ Schumacher, 1888, s. 109.
- ↑ Israel: 3 Syria tanks enter Golan demilitarised zone Arkivert 2014-07-14 ved Wayback Machine.. Reuters. 2012-11-04.
- Denne artikkelen bygger på «Beer Ajam» frå Wikipedia på engelsk, den 6. juli 2014.
- Wikipedia på engelsk oppgav desse kjeldene:
- Schumacher, Gottlieb (1888). The Jaulân: Surveyed for the German Society for the Exploration of the Holy Land. Bentley and Son.