Bokken Lasson

Bokken Lasson

Statsborgarskap Noreg
Fødd 7. januar 1871
Christiania, Oslo
Død

3. august 1970 (99 år)

Yrke songar
Far Christian Lasson
Mor Alexandra von Munthe af Morgenstierne
Ektefelle Vilhelm Dybwad
Bokken Lasson på Commons
Bokken Lasson i ei rolle på Fahlstrøms teater i 1909

Caroline Lasson, kjend under kallenamnet Bokken Lasson, (7. januar 1871–3. august 1970) var ein norsk songar og skodespelar frå Oslo. Ho var dotter til regjeringsadvokaten, og yngre syster til Per Lasson og Oda Krohg.

Bokken Lasson debuterte i Kristiania som konsertsongar i 1894. Ho deltok jamt i operetter ved Centralteatret og Fahlstrøms Theater, også desse i den norske hovudstaden. Sidan drog ho på turnear utanlands, vitja både Tyskland, Frankrike, England og USA. Ho framførte då helst norske folkesongar medan ho sjølv spelte lutt.

I 1912 grunnla ho revyteatret Chat Noir i Oslo, der ho var direktør til 1917. Mellom 1931 og 1940 gav ho ut tre reportasje- og memoarbøker.

Kjelder

[endre | endre wikiteksten]