| Gavin Greig | |
| Fødd | 10. februar 1856 |
| Død |
31. august 1914 (58 år) |
| Yrke | musikkforskar, musikkhistorikar |
Gavin Greig (10. februar 1856–31. august 1914) var ein skotsk folkemusikksamlar, dramatikar, romanforfattar og lærar.
Greig var fødd i Parkhill i Aberdeenshire.[1] Han studerte ved Aberdeen universitet, og var prest ved Whitehill village school heilt til han døydde i 1914. Han hadde også ei folkemusikkspalte som heitte i Buchan Observer kvar veke.[1]
Han var redaktør for den største musikksamlinga til James Scott Skinner, The Harp and Claymore Collection,[2] og bidrog med harmoniar til Skinner sine komposisjonar.[3][4] Han var med på innsamlinga til The Greig-Duncan Folk Song Collection, i lag med presten J.B. Duncan (1848-1917). Eit utval frå denne samlinga av over 3 000 songar og melodiar blei gjeve ut i 1925. Det blei gjeve ut to band av samlinga i 1981-1982, men den fulle samlinga på åtte bind kom fyrst ut mellom 1981 og 2002.[5][6]
Greig var også forfattaren av skodespelet Mains Wooin på den skotske dialekten Doric, som var svært populært[7] i Nordaust-Skottland før andre verdskrigen. Romanane hans omfattar Morrison Gray: or, Life in a Buchan Schoolhouse som var framhaldsserie i Peterhead Sentinel mellom mai 1896 og januar 1897, The Hermit o' Gight, som gjekk i Buchan Observer mellom 1898 og 1899, og den historiske romanen Logie o' Buchan, som blei gjeven ut i Aberdeen i 1899.[8]
Gavin Greig var i slekt med Robert Burns på morssida og med Edvard Grieg på farssida.