Joachim Gotsche Giæver
| Joachim Gotsche Giæver | |||
_(14779507905).jpg) | |||
| Fødd | 15. august 1856 Lyngen kommune | ||
|---|---|---|---|
| Død | 29. mai 1925 Chicago | ||
| Nasjonalitet | Noreg, USA | ||
| Yrke | arkitekt, sivilingeniør | ||
| Alma mater | Trondhjems Tekniske Læreanstalt | ||
Joachim Gotsche Giæver (15. august 1856–29. mai 1925) var ein norsk-amerikansk bygningsingeniør, som er kjend for å ha bygd fleire skyskraparar og bruer i Dei amerikanske sambandsstatane.[1] Han var mellom anna ansvarleg for å reisa den berande konstruksjonen til Fridomsgudinna i New York. Han vart fødd i bygda Jøvik i Troms, og studerte i Trondheim.[1]
Virke
[endre | endre wikiteksten]Giæver utvandre til USA i 1882, der han blei teknisk teiknar (draftsman) ved jernbaneselskapet Northern Pacific i St. Paul i Minnesota. Eit år seinare flytta han til Pittsburgh i Pennsylvania, der han blei tilsett ved Schiffer Bridge Company. I 1884 blei han overingeniør (chief engineer) ved føretaket.[2]
I 1891 var Giæver teknisk nestleiar ved World's Columbian Exposition i Chicago. Han stod mellom anna bak hovudbygningen ved utstillinga, The Manufactures and Liberal Arts Building.[1] Han var med på å utvikla H-bjelken, ein viktig del av moderne konstruksjon.[1]
Frå 1898 til 1915 var han sjefsingeniør for D. H. Burnham & Company i Chicago.[3][4] I 1916 gjekk han saman med Frederick P. Dinkelberg i firmaet Giaver and Dinkelberg, som mellom anna teikna bygningen 35 East Wacker Drive, «Jewelers building», den største bygningen i Amerika som ikkje sto i New York.[5]
Giæver konstruerte også kuppelen til Hooker-teleskopet i California, det største teleskopet i verda til då.[1]
I 1922 blei han gjeven St. Olavs Orden av kong Haakon.[1]
Byggverk knytte til Giæver
[endre | endre wikiteksten]-
Fridomsgudinna, 1885 -
Flatiron Building, 175 Fifth Avenue, 1902 -
Equitable bldg, Manhattan, 1915 -
Grand Park Center, Chicago, 1922 -
35 East Wacker Drive, «Jewelers building», 1925–27 -
Hooker-teleskopet
Kjelder
[endre | endre wikiteksten]- Referansar
- ↑ 1,0 1,1 1,2 1,3 1,4 1,5 O.K. Årdal, «Noregs ukjente skyskraparkonge», nrk.no, 18. desember 2022.
- ↑ Andersen, Håkon With (29. juni 2022). «Joachim Giæver». Norsk biografisk leksikon (på norsk).
- ↑ Meyer, Michael Holmboe : «Norwegian-American Engineer saved Statue of Liberty», The International Forum for Culture and Literature for Peace Arkivert 2015-03-04 ved Wayback Machine.
- ↑ Berglund, Nina (28. november 2011): «Norway’s own link to Lady Liberty», Newsinenglish.no
- ↑ 35 East Wacker Drive (Chicago Architecture Info)
- Delar av denne artikkelen bygger på «Joachim Gotsche Giæver» frå Wikipedia på bokmål, den 20. desember 2022.