Keith McMillan | |
![]() | |
Verkeleg namn | Keith Lionel McMillan |
Statsborgarskap | Storbritannia |
Fødd | 16. april 1934 Cuckfield i Sussex i England |
Død | |
Yrke | Ballett, fotografi, kunstmåling |
Språk | engelsk |
Keith Lionel McMillan (16. april 1934–22. mars 2012) var ein engelsk fotograf og kunstnar. Han kom frå ein familie med mange kunstnariske talent: Mora var dansar, faren pianist og fotograf og broren kunstnar. Som barn viste McMillan at han var glad i musikk og friidrett, så mora melde han på ballett då han var åtte år gammal.[1]
McMillan hadde ein karriere som ballettdansar, og dansa i mange ballettar. Sidan arbeidde han som fotograf og arbeidde for mange magasin frå 1967 til 1997. I 1968 fotograferte han dronninga av Storbritannia og familien hennar i høve gebursdagen hennar. Han fotograferte mange kjende folk som Tom Jones, Keith Richards, Roy Orbison, Mick Jagger, John Lennon,[2] Yoko Ono, Henry Moore og Man Ray. Han skapte det ikoniske plateomslaget til det sjølvoppkalla debutalbumet til Black Sabbath, gjeve ut i 1970.
I 1980 regisserte han musikkvideoen for Paul McCartney-songen «Coming Up», og var musikkvideoregissør for ei rekkje artistar som Culture Club, Blondie, Pat Benatar, Queen, Bob Marley, Simple Minds, Kiss, Ian Gillan, Paul McCartney, Mike Oldfield, Motörhead, Kate Bush, Bananarama, Billy Squier, Ashford & Simpson, Foreigner, Wings og The Clash.[3]