Kilroy Was Here av Styx

Kilroy Was Here Studioalbum av Styx
Språk	engelsk
Utgjeve	22. februar 1983[1][2]
Innspelt	1982
Studio	Pumpkin Studios i Oak Lawn i Illinois
Sjanger	Progressiv rock, poprock
Lengd	40:41
Selskap	A&M
Produsent	Styx
Styx-kronologi
Paradise Theatre (1981)	Kilroy Was Here	Caught in the Act (1984)
Singlar frå Kilroy Was Here
«Mr. Roboto» Utgjeve: 11. februar 1983 «Don't Let It End» Utgjeve: 1983 «High Time» Utgjeve: 1983

Meldingar
Karakter
Kjelde	Karakter
AllMusic	[3]
Rolling Stone	[4]

Kilroy Was Here er det ellevte studioalbumet til det amerikanske rockebandet Styx, gjeve ut den 22. februar 1983. Albumet er kalla opp etter den kjende graffitimeldinga frå andre verdskrigen, «Kilroy was here». Det var det siste albumet med originale songar av den «klassiske» besetninga til bandet med Dennis DeYoung, Tommy Shaw, James «J.Y.» Young, John Panozzo og Chuck Panozzo.

Albumet inneheldt to hitsinglar, synthpopsongen «Mr. Roboto», som seinare vart ein av signatursongane deira, og powerballaden «Don't Let It End». Begge av dei vart store hittar i 1983 og nådde høvesvis tredje- og sjetteplassen på singellista i USA.

Hardrocksongen «Heavy Metal Poisoning», byrjar med dei baklengs-maskerte, latinske orda «annuit cœptis, novus ordo seclorum».^[5] Dette tyder «[han/ho/det] har føretrekt forpliktingane våre,^[6] ein ny orden for tidene».^[7][8] Desse er to av mottoa som er på det amerikanske riksvåpenet på eine sida av den amerikanske 1-dollarsetelen.

Albumet selde til platina i USA^[9] og er så langt det siste albumet av bandet som har klart dette.

Bakgrunn

Bandet skapte delvis albumet som eit hånleg svar til fundamentalistiske, kristne grupper og andre antirock-aktivistar som tidlegare hadde påverka senatet i Arkansas om å vedta ei lov som sa at alle plater som inneheld baklengsmaskering måtte merkast med dette av produsenten. I lovforsalget vart det omtalt plater av The Beatles, Pink Floyd, Electric Light Orchestra, Queen og Styx. ELO hadde eit liknande svar på sitt eige album, Secret Messages i 1983.

Albumet er ein slags rockeopera som fortel om ei soge der rock er gjort forbode av ei fascistisk og teokratisk regjering og «MMM (the Majority for Musical Morality)». Hovudpersonen i soga, Robert Orin Charles Kilroy (DeYoung), er ei tidlegare rockestjerne som er blitt plassert i fengsel av MMM-leiaren Dr. Everett Righteous (Young).^[10] Forkledd rømmer han (i følgje songen «Mr. Roboto») og oppdagar ein ung musikar, Jonathan Chance (Shaw), som er har ein misjon om å bringe rocken attende.

Kilroy Was Here vart laga av songaren Dennis DeYoung som eit album og eit tilhøyrande sceneshow, som opna med ein kortfilm med same namn. I følgje ein episode i «Behind The Music» om Styx, vart den første delen av turneen ein økonomisk katastrofe, sidan Styx hadde leigd små teatersalar for å gjere opplevinga meir intim, medan dei seinare på turneen spelte på store, utselde areaner.

Albumet debuterte på tiandeplassen på Billboard 200 den første veka og selde over ein million eksemplar. Til slutt nådde albumet tredjeplassen på albumlista i USA, men selde ikkje like godt som dei føregåande albuma, som hadde fått Styx til å ta ei meir teatralsk retning. I eit intervju med Chicago Tribune snakka James Young om dei kunstnariske usemjene i bandet som førte til at dei vart oppløyst: «Dennis ønskte sterkt å gjere desse rolege, intime kjærleiksballadane, og meg og Tommy Shaw var sterkt i mot det, så skilnadane våre vart forsterka, fordi Dennis insisterte på å gå utafor grensene me kunne akseptere. Han er ein sjølvsikker fyr med sterke meiningar.»^[11]

Trass i at albumet selde godt, vart ikkje songane på albumet spelte fleire gonger på konsertane deira etter Kilroy-turneen var over, før «Mr. Roboto» vart framført som ekstranummer 30. mai 2018.^[12] DeYoung har spelt songane «Mr. Roboto» og «Don't Let It End» mykje på soloturneane sine.

Musikkvideo

Tre av fire videoar for albumet—«Mr. Roboto», «Don't Let It End» og «Heavy Metal Poisoning»—vart filma på same tid og nytta klipp frå kortfilmen. Ein fjerde video, «Haven't We Been Here Before», vart filma eit par månader etter albumet kom ut.

Innhald

Side ein

Nr.	Tittel	Låtskrivar(ar)	Solovokal	Lengd
1.	«Mr. Roboto»	DeYoung	DeYoung	5:28
2.	«Cold War»	Shaw	Shaw	4:27
3.	«Don't Let It End»	DeYoung	DeYoung	4:56
4.	«High Time»	DeYoung	DeYoung	4:33

Side to

Nr.	Tittel	Låtskrivar(ar)	Solovokal	Lengd
5.	«Heavy Metal Poisoning»	Young	Young	4:57
6.	«Just Get Through This Night»	Shaw	Shaw	6:06
7.	«Double Life»	Young	Young	3:46
8.	«Haven't We Been Here Before»	Shaw	Shaw	4:06
9.	«Don't Let It End» (Reprise)	DeYoung	Shaw, DeYoung	2:22

Medverkande

Styx

• Dennis DeYoung – vokal, klaverinstrument
• Tommy Shaw – vokal, elektrisk og akustisk gitar
• James «JY» Young - vokal, elektrisk gitar
• Chuck Panozzo – bassgitar
• John Panozzo – trommer, perkusjon

Andre medverkande

• Steve Eisen – saksofon
• Dan Barber – horn
• Mike Halpin – horn
• Michael Mossman – horn
• Mark Ohlson – horn

Produksjon

• Arrangert & produsert av Styx
• Lydteknikarar: Gary Loizzo, Will Rascati, Rob Kingsland
• Assisterande lydteknikar: Jim Popko
• Mastering av Ted Jensen i Sterling Sound, NYC

Salslister

Album - Billboard (USA)

År	Liste	Plassering
1983	Pop Albums	3

Singlar - Billboard (USA)

År	Singel	Liste	Plassering
1983	«Don't Let It End»	Adult Contemporary	13
		Pop Singles	6
	«High Time»		48
	«Mr. Roboto»	Pop Singles	3
		Mainstream Rock	3

Kjelder

• Denne artikkelen bygger på «Kilroy Was Here (album)» frå Wikipedia på engelsk, den 7. juni 2020.
  • Wikipedia på engelsk oppgav desse kjeldene:

1. Robinson (Syndicated Columnist), Lisa (4. februar 1983). «Rock Music». St. Petersburg Independent. Henta 17. juni 2014. 
2. On A&M Records.com. «Feb. 22, 2012 A&M releases: Styx - Kilroy Was Here (1983)». facebook.com. Facebook. Henta 17. juni 2014. 
3. DeGagne, Mike. Kilroy Was Here av Styx på Allmusic. Henta 3. juni 2020.
4. «Kilroy Was Here». Arkivert frå originalen 12. februar 2018. Henta 7. juni 2020. 
5. Holden, Stephen (27. mars 1983). «Serious issues underlie a new album from Styx». The New York Times (New York City). Henta 21. mai 2016. 
6. MacArthur, John D. (2016). «Annuit Coeptis - Origin and Meaning of the Motto Above the Eye of Providence on the Great Seal». Latin Mottoes. GreatSeal.com. Henta 21. mai 2016. 
7. MacArthur, John D. (2016). «Novus Ordo Seclorum - Origin and Meaning of the Motto on the Foundation of the Unfinished Pyramid on the Great Seal». Latin Mottoes. GreatSeal.com. Henta 21. mai 2016. 
8. «The Great Seal of the USA,» U.S. Dept. of State, Bureau of Public Affairs, Washington, D.C., 2003. juli p. 5. PDF of official brochure.
9. Recording Industry Association of America. «Gold and Platinum Searchable Database». RIAA. Henta 10. april 2013. 
10. Holden, Stephen (27. mars 1983). «Serious Issues Underlie a New Album From Styx». The New York Times. s. 27. Henta 8. januar 2020. 
11. «Styx interview». 
12. «Styx Concert Setlist at FivePoint Amphitheatre».